
Şîrketê madenî do 5 dewan û daran çin bikero 

2018-05-27 09:11:16


	&nbsp;

	MÊRDÎN - Wareyê dewa Karataş ya girêdayê Şemrexê Mêrdînî yo, seba madenî yeno çinkerdiş. Dewijan rê yeno ferzkerdiş ke keyeyê xo veng bikerê.

	&nbsp;

	Seba madenê fosfatî yê aîdê Etî Bakir A.Ş yê Şemrexê Mêrdînî, mêrg, dar û hêgayê dewa Karataşî çinbenê. Serra vîyarte aşma Temmuze de dimayê taybetkerdişê madenî kewt destê Cengîz Holdîngî û dima ra teblîgatê 'dewe veng bikerê' eşrawitî dewijan rê, ame vatiş ke bi teblîgat qerarê îstîmlakî yê serra 1975 ameyo eşrawitiş û şar zî hemverê qerarî xo ver dano.

	&nbsp;

	Hêgayê dewijan ra dest pêkerdî

	&nbsp;

	Dimayê qerarê madenî mêrg û warê bînî yê şarî dagir kerdî û şar hemverê nê sere rayîrê huqûqî dabî. Dewijê ke Dadgeha Îdarî ya Mêrdînî rê dewa akerdî, seba qerar bêro vindernayîş waştiş kerdî.

	&nbsp;

	Seba madenî warî ameyî hîrakerdiş û verê qerarê dadgehe ya seba erdê dewijan, şîrketî erd dagir kerd. Qerarê tahliye de tena dewa Karataşî nê do 400 keyeyî û bandure 5 dewê bîn zî bikero. Hemwelatîyan dîyar kerdî ke ê nika ra zehmetîyan ancenê û awe kêm bîya.

	&nbsp;

	Heto bîn ra dewijan ard ziwan ke do wareyê daristanî zî çin bibê.

	&nbsp;