Hêvîya kedkaranê ke ameyê îxrackerdiş HDP yo 

2018-05-27 09:10:25


	 

	MÊRDÎN - Hemsereka Sendîkaya Genel Îş DÎSKî Berîvan Dokene dîyar kerde ke kedkarê bi KHKî ameyê mexdurkerdiş, HDPî sey hêvîye vînanê û no seknê înan zî do sindoqe de xo bimojno.

	 

	Mêrdîn ra 6 namzedî HDPî ra ameyî mojnarayîş û xebatî dewam kenê. Hemsereka Sendîkaya Genel Îş DÎSKî Berîvan Dokene va kedkarî no prosesî de HDPî sey hêvî vînenê û do verê HDPî de ca bigîrê. Berîvane va do şarê Mêrdînî û bi taybet zî kedkarî hemverê nê sîstemî bi reaksîyon ê.

	 

	'Do reaksîyon bimojnê ra'

	 

	Berîvane dewamê qiseykerdişê xo de va ke na rewşe do 24ê Hezîrane de vejyo meydan û wina va: "Sebebê nê qirkerdişî, karkerê muxalîf yê xo ver danê yê. Xêrcê HDPî tu partî 1ê Gulane de piştdayîş nêda karkeran. HDP her wext verê karkeran de bi. HDP sîwana hempar ê şaran o."

	 

	'Dimayê serkewtişê weçînayîşî karê ewil betalkerdişê KHK yo'

	 

	Berîvane bale ante serê lîsteyê namzedîyê HDPî û va xeylê kedkarê ke ameyê îxrackerdiş lîste de estê û va dimayê weçînayîşî karo ewil betalkerdişê KHK yo ke karkeran mexdur kerdo yo.