Bi KHK amî îxrackerdiş, seba meclîsî namzed a 

2018-05-26 11:40:04


	 

	Melîke Aydin

	 

	
		ÎZMÎR - Îdîl Ugurlu ke lîsteyê namzedîyê parlamenterîyê HDPî de ca gêna, kedkarêke perwerdî ke bi KHK ameya îxrackerdişî ya. Îdîla ke seba têkoşînê cinîyan û sendîka ra yena wina va: "Tasfiyeyê seserre yeno cuwîyayîş. Ez veng dana heme cinîyan. Eke ma nêwazê mahkumê tarîtîyê seserre bibê, eke ma nêwazenê hepsê keyeyî bibê gerek ma rayanê xo bidê HDPî.”
	
		 


	Yew kesê ke lîsteyê namzedîyê HDPî de ca gêna Îdîl Ugurlu ya. Îdîle 2yîn Mintiqaya Îzmîrî de rêze 2yîn xe ca gêna. Îdîle bi KHKî ameya îxrackerdiş. Îdîle Komîsyonê Cinîyan ê Egîtîm Senî, Meclîsê Cinîyan de ca girewta û serekîya Şubeyê Hûmara 6 ê Egîtîm Senî kerda, hema sekretera şaxî ya.

	 

	Îdîla ke endama Platformê Cinîyê Îzmîrî, ÎHD, Komeleya Nasnayîşê Kulturê Elewî Bektaşî yê Narliderî ya, dîyar kerde ke aye proseso ke sey tasfiyeyê seserre yano naskerdiş de parçeyêke HDPî yo.

	 

	Îdîlê bale ante ser polîtîkayê perwerdê yê hukmatê AKPî û va proses bi 4+4+4 dest pêkerdo û vurnayîşêke seba feydeyê kêneyan çinyo û wina dewam kerde: "Bi vatişanê yew beýraqe, yew dîn, yew netewî û perwerde de yek tîp ca ardî û vernîya neslê dîndar û kîndar ameyo akerdiş."

	 

	'Semedo ke ma teslîmê tarîtî nêbê’

	 

	Îdîle da zanayîş ke dimayê OHALî kuçeyê bi hawayêke fîîlî cinîyan rê ameyê qedexekerdiş û qiseykerdişê xo wina qedêna: "Hemverê cinîyê Îzmîrijan hêriş estê. HDP partîyêke cinîyan o. Ez sey cinîyêke ameya îxrackerdiş xo HDPî de îfade kena. Ma cinî eşkenê xo HDPî de îfade bikerê. tasfiyeyê seserre yeno cuwîyayîş. Ez veng dana cinîyan. Eke ma nêwazenê mahkumê taritî bibê, eke ma nêwazenê hepsê keyeyî bibê gerek ma rayanê xo bidê HDPî û ez veng dana heme cinîyan ke rêxistinê cinîyan de têkoşîn bikerê."