'Aşma Remezanî keno hacetê weçînayîşî'   

2018-05-24 10:03:18


	 

	AMED- Hemverfeka DÎKî Huda Kaya dîyar kerde ke AKP verê weçînayîşî atmosferê dînî yê aşma Remezanî îstîsmar keno û wina va: "Wa her kes hemverê nê baldar bo. Na rewşe nîşaneyê vindîkerdîşî yo."

	Hemverfeka Kongreya Îslamî ya Demokratîk (DÎK) û parlamentera HDPî yê Stenbolî Huda Kaya da zanayîş ke  AKP erjê manewî xebitneno û atmosferê dînî yê Aşma Remazanî keno propagandayê weçînayîşî.

	'Êdî sozê înan xêrê çîyêke nêkenê'

	Huda dîyar kerde ke seba propagandayê weçînayîşî rastê aşma Remezanî ardê û wazenê nê atmosferî ra feyde bigîrê û wina va: "AKP atmosferê dînî ê aşma Remezanî îstîsmar keno û wazeno wina şêro netîceyêke. Na rewşe vindîkerdişî ya. Êdî sozê înan xêrê çîyêke nêkenê. Manîfesto 5 kuruşî nêkeno. Her kes êdî negatîf ewnîyeno ameyox ra. Esnafî nêeşeknê nan bîyarê keyeyê xo. Bi endîşe konê ra gelo do siba Tirkîya de se bibo."

	Huda da zanayîş ke hukmatê AKPî êdî nêeşkeno bi polîtîkayê zurî yê îslam de cayê înan çin o dewam bikero û wina va: "Şima do wirzê nameyê aştî terorîze bikerê, şima do merdiman bikerê hepisxaneyan, dima ra zî edebîyatê pîrozî bikerê."

	'Zûrî roce şiknenê'

	Huda veng da heme kesê bawermen û bernameyê dînî yê ke çapemenîya hewze de yenê kerdiş û bi rojevê sey ‘warekna roce şikneno?', ‘benişt roce şikneno?' mezgê merdiman teviznenê û va wa her kes hemverê nê hişyar bibo. Hudaye va: "Ganî îqtîdaro ke serê zûran de ameyo awankerdiş bawer nêkerê û roceyê xo xira nêkerê. Îftîre û zûrî roce şiknenê."

	Hudaye va îqtîdar polîtîkayê dişminî meşneno û qiseykerdişê xo wina qedêna: "Şima do bikerê dişmin, bikerê şeytan, çin bikerê û wirzê aşma Remazanî de şêrê hemverê merdiman serdayîşê fitarî de qalê manewîyatî bikerê. Hewcedarîyê Homa bi fitarîyêke wina, bi roceyêke wina çin o. Remazano ke Kuran de ameyo qalîkerdiş wina nîyo. Aşma heqîqetî ya."