
Gardîyanan ra seba hepsîyê nêweş: Bimrê, geber bibê! 

2018-05-23 09:50:23


	&nbsp;

	Evrîm Kepenek

	&nbsp;

	STENBOL - Hepisxaneyê Şakranî de hepsîya bi nameyê Ozlem Demîrçîya nêweşa multîoduler tîroîdî ya hetê gardîyanan ra rastê ferzkerdişê dermankerdişê kelepçe amî. Ozleme îşkence qebûl nêkerd û ser de zî gardîyanan ci ra vatê ‘bimre, geber bibe.’

	&nbsp;

	Ozlem Demîrçî ke 6ê Teşrîna peyêne 2017 Kadikoyî de kafeya ke bi keyeyê xo dir akerdebî amî tepiştiş û di rojî ra dima amî tewqîfkerdiş û eşrawitî hepisxaneyê Şakranî yê Îzmîrî. Ozleme eynî wextî de nêweşa multînodulerê tîroîdî bî. Ame zanayîş ke Ozleme rastê hêrişê vatişî ameya.

	&nbsp;

	‘Serê îfadeyê îtîrafkaran ameya tepiştiş'

	&nbsp;

	Avûkata Ozleme, Arzu Palurî Kal Demîrçî dîyar kerde ke derheqê Ozleme de tu delîlê somut çin ê û va Ozleme îtîrafkarê ke serê 150 kesî îfade dayo, bê delîl û sebep ameya girewtiş. Arzû wina va: "Îtîrafkar îfade de vano Ozleme bi hemkariya ey pusula eşrawita. Waşto ke bi telefon Ozleme bigeyto la Ozleme qebûl nêkerdo. Ozleme bi keyeyê xo dir kafeyêke akerdebî. Verê nê zî keyeyêke de xebityayne. No semed ra zaf ciwanan nas kerdêne. Xeylê kesan dir telefonê aye estbi. Îfadeyê serê aye de ameyê dayîş zurê."

	&nbsp;

	‘6 aşmîyo kontrolê aye nînê kerdiş'

	&nbsp;

	Arzu arde ziwan ke Ozleme bi serraan o problemê weşîye cuwîyena û wina va: "Tansiyonê aye esta. Mezgê aye de tumor esto. Bi serran o nêweşîyê aye binê kontrolî de yê. Ganî nêweşîyê aye nika zî bêrê taqîbkerdiş. La 6 aşmîyo nîna kontrolkerdiş. Ozleme bi kelepçe sewq kerdê. Ozleme zî bi kelepçe dermankerdiş red kena."

	&nbsp;

	Rastê heqeretan ameya verdayîş

	&nbsp;

	Arzû da zanayîş ke hepisxaneyê Şakranî de hemverê Ozlem û hepsîyê bînan mudaxaleyê bi şîdet yenê kerdiş û rastê heqeretê zayendperest yenê rastê vatişê ‘bimrê geber bibê' yenê, rastê îşkenceyê fîzîkî yenê.

	&nbsp;

	Avûkata aye ra vengdayîş

	&nbsp;

	Arzu tewr peyîn wina va: "Ez hem nacnîye aye ya û hem zî avûkata aye ya. Ez 2000 km rayîr şîya û pêwa ke mi înan rê rewşe înan ra va zî pêvînayîşê ê yewşeme nêame kerdiş û rojo bîn ez şîya û sînorê di saet pêvînayîşî ardî. Ma vengdayîşê hîsgirî kenê."

	&nbsp;