SKM weçînayîşan de seba HDPî xo rêxistin kenê 

2018-05-22 10:04:12


	 

	Berîtan Canozer

	 

	STENBOL - Mîyanê cinîyê ke verê HDPî de ca gênê cinîyê SKMî zî estê. Endama SKMî Ezgî Bahçecî dîyar kerde ke do bi HDPî ra tifaq bikerê û wina va: "Ma seba HDPî xo rêxistin bikerê û hem zî ma do rêxistin bikerê."

	 

	Xebatê weçînayîşî her ke şinê zêde benê û hetê ke kîşte HDPî de ca gênê cinî yê. Meclîsê Cinîyan ê Sosyalîstan zî weçînayîşan de kîşte HDPî de ca gênê. Endama Meclîsê Cinîyan ê Sosyalîst (SKM) Ezgî Bahçecî dîyar kerde ke ê sey cinîyê SKMî piştdayîş danê HDPî.

	 

	'Heqê ma yenê xespkerdiş'

	 

	Ezgîye va AKP hem hemverê têkoşîn û hem zî hemverê qezencê cinîyan hêriş keno û wina va: "Hemverê kiştiş, şîdet, tacîz û tecawizê hemverê cinîyan edaletêke rast nêvirazêno. Edaletê camêrdan kenê. Cinîyê ke heqê pawitişê cewherî kenê zî rastê cezaya hepsî yenê. Kiştoxê cinîyan û tecawizkar yenê veradayîş. Heqê ma seba qanûnan yenê xespkerdiş."

	 

	'Ma verê cinîyê Kurdan ê'

	 

	Ezgîye ard ziwan ke hêrişê dewlete yê hemverê xoverdayîşê cinîyan dewam keno û wina va: "Cinîyê ke kuçeyan de têkoşîn danê, sîyaset de têkoşîn kenê yenê tepiştiş, tewqîfkerdiş, rastê îşkence yenê. Taybetî zî parlamenterîyê parlamenterê cinîyan yeno fînayîş. Ma hemverê polîtîkayê dişminê cinîyan ê. Dîyar kenê ke her warê cuwîyayîşî de vatişê xo vajê û ma kîşte têkoşînê azadîya cinîyê Kurdan ê. No semed ra zî ma xeylê reyan rastê hêrişê dewlete ameyê. Ma do  têkoşînê xo her wext dewam bikerê."

	 

	'Tifaqê Sosyalîstan HDP yo'

	 

	Ezgî dewam da zanayîş ke tifaq Mîlliyet û Cumhur eynî zîhnîyet ê û wina va: "Seba nê zî tifaqê sosyalîst û demokratan HDP yo. Bêguman ma nê prosesî de verê  HDPî de yê û ma do pîya xebate bimeşnê. Ma veng danê heme cinîyan ke rayanê xo bixebitnê û bibê wezîfedarê sindoqan.”