'Seba ez bimojnî ra cinî eşkenê serkewte bibê HDPî ra bîya namzed' 

2018-05-21 09:18:17


	 

	RIHA - Elîf Rojda Talar ke HDPî yê Riha bî namzed, da zanayîş ke hemverê tedayan seba ke bimojno ra cinî eşkenê serkewte bibê HDPî ra bîya namzed.

	 

	Muracatê vernamzedîyê partîyê sîyasî yê seba weçînayîşê 24ê Hezîrane peynî bî. Partîya HDPî yê Riha ra 55 kesî bî vernamzed û înan ra 10 hebî cinî yê. Yew vernamzedê cinîyan ra Elîf Rojda Talar a.

	 

	Roja ke heta nika Kursê Kur’anî de derse daya, xeylê karî de xebityaya, nika bi muzîkî dir eleqedar bena. Pêwa tedayê derûdorî yê sey ‘cinîyêke senîn eşkena vejyo serê sehne, senîn eşkena veyvan de kilaman vaja', seba bimojno ra cinî eşkenê serkewte bibê HDPî ra bîya namzed. Rojda dîyar kerde ke cinî çi biwazo eşkena bikero.

	 

	Rojda arde ziwan ke verê qetî sîyaset de ca nêgirewta û va şertê mintiqa verê merdiman dano sîyaset û wina va: "Tedayê serê cinîyan xeylê zêde yê. Heta ça do seretewênayîş bibo. Rewşa esnafan baş nîya. Seba cinîyan tu îmkan nîno pêşnîyarkerdiş. Heta şan de cayêke de bixebitî yê 50 TL yeno girewtiş. No do qîmê çi bikero."

	 

	'Keyeyê mi piştdayîş da mi'

	  

	Rojda bale ante serê teda û bêtudîştî ya hemverê aye û nê çî vatî: "Seba ke ez xebityena, merdimê teda ro keyeyê mi rê kenê. Reyan saete 2-3 de ez mecbur manena bêrî keye. Cinîyêke tena semedo ke mecbur a saete de teber de ya rastê tacîzî yena. Dimayê ke keye dî ez serê linganê xo de manena, piştdayîş dayî mi. Seba Rihayî semedo ke cinî hêzê ekonomî qezenç bikerê ez wazena xebatan bimeşnî."