'Wextê AKPî de berzbîyayîşê têkoşînê cinîyan tesaduf nîyo 

2018-05-19 13:17:47


	 

	STENBOL - Pîreboka Kampusî ra Hatîce Goze dîyar kerde ke 10 serrî ra verê nika cinî 3-4 kat tewr zêde vejyayne kuçeyan û wina va: "Wextê AKPî de berzbîyayîşê têkoşînê cinîyan tesaduf nîyo. Cinîyêke senîn nê ra hêz gêna, îqtîdar zî hende terseno."

	 

	Pîrebokê Kampusî  têkoşîn û şîdetê hetê hemverê cinîyan ê bi OHALî dir zêde bîyo vatî. Gîzem Işike arde ziwan ke dewlete serê bedenê cinîyan de polîtîkayan meşnena û qiseykerdişê xo wina dewam kerde: "Ma sey Pîrebokê Kampusî unîversîteyan de maseyê tacîzî awan kenê û ma ê cayan de cinîyan dir yenê têhet. Wexto ke ma cinîyan dir yenê têhet û ma vînenê ke teşîrkerdişê bedenî çiqas girîng o.

	 

	'Hêrsê ma serewedartişê ma gane verdeno'

	 

	Gîzeme da zanayîş ke nê polîtîkayî bi OHALî dir peşnayê û hewl  yeno dayîş ke cinîyan warê îstîmlakkerdişî vejê û wina va: "Îqtîdar polîtîkayê hepskerdişê cinî' meşneno. La serewedartişê cinîyan zî eynî daye de zêde beno. Hêrsê ma her wext serewedartişê ma gane verdeno. Ma tu rey sere hemverê camêrdan nêtewênê."

	 

	Eylem Gultekçe da zanayîş ke qanûnê îstîsmarî dimayê weçînayîş kewto dewre ameya taloqkerdiş û va îqtîdar wina bimano do zîhniyet zî eynî bo û va dimayê weçînayîşî do reyna biko rojeve. Eyleme va do hemverê nê polîtîkayan do têkoşînê xo dewam bikerê.

	 

	Hatîce Goze zî wina va: "Ma prosesêke heme cuwîyayîş her het ra ameyo dagirkerdiş ra derbaz benê. Wextê AKPî de berzbîyayîşê têkoşînê cinîyan hende tesaduf nîyo. Cinî 10 serrî verê tewr zêde vejênê kuçeyan. Cinîyêke senîn ci ra hêz gêna, îqtîdar zî hende terseno."