'Peymanê Stenbolî serê masa de yeno vindernayîş' 

2018-05-05 13:28:12


	 

	Duygu Cînîvîz

	 

	AMED - Sereka Federasyonê Komeleyê Cinîyan Canan Gullu,  dîyar kerde ke Peymanê Stenbolî vernîgirewtişê şîdetê serê cinî û îstîsmarê domanan de hemleyêke girîng seba zîhniyet nêvuryeno û bi serran o serê masa de yeno vindernayîş.

	 

	Peyamê Stenbolî 2011 de ame îmzekerdiş û no peymanêke hêzê ci hemverê şîdetê cezaya bivaro esto. Peymano ke Tirkîya îmza kerdo 1ê Tebaxa 2014 kewt mîras û bi ca nîno.

	 

	Federasyonê Komeleyê Cinîyan bi Baroyê Amedî dir masayêke gilor awan kerdî. Sereka Federasyonê Canan Gullu dimayê kombîyayîş Jinnewsî dir qisey kerdî û bale ante ser kêmasîyê nûkteyê caardişî de. Canane dîyar kerde ke Qanûno vernîgirewtişê şîdetê serê cinî û pawitişê keyeyî yê hûmara 6284 bi têkoşînê cinîyan ameyo destgirewtiş labelê qanûnoke keyeyî pawenê û hedîseyê şîdetî merheleyê keyeyî de gêno dest. Canane wina va: "Mesajêke 40 welatî Îmza eşti." 

	 

	'Serê masa de yeno vindernayîş

	 

	Canane ard ziwan dadgerê ke peyman nêzanê serê masa de danê vindernayîş û wina va: "Seke yeno zanayîş no peyman vernîye şîdetê serê cinîyan gêno. Eynî wextî de bi peymanî dir desturê beşdarbîyayîşê komelê sivîl yeno dayîş. No peyman vano; rêxistinê cinîyan war de xebityenê, STK yê war de xebityenê, baro û wezaretê keyeyî eşkenê şêrê roniştişê nê hedîseyan."

	 

	Canane da zanayîş ke wextê peyîn de kiştişê cinîyan zêde bê. îstîsmarê domanan zêde bîyo û va seba zêdebîyayîş bêro cigêrayîş, awankerdişê bankayêke dayeyî xeylê girîng o. 

	 

	Canane tewr peynî dîyar kerde ke sey Federasyonê Komeleyê Cinîyan ê Tirkîya bi 10 serre bi îstîsmarê mîyanê keyeyî de eleqeder bîyê û no semed ra xebatê bîyê hedef û sûcê ‘ahlaqê Tirkîya xira kenê' ameyê sûcdarkerdiş."