
Êzidî seba problemê nînê çareserkerdiş koçê Ewropa kenê 

2018-05-04 09:15:56


	&nbsp;

	MÊRDÎN - Êzidiyê kampa Amedî bi zor ameyî vetiş û surgunê kampa AFADî yê Mîdyatî ameyî kerdiş, bi serrêke seba problemê pîl cuwîyenê û nînê çareserkerdiş, seba vatişê nefretî mecbur manenê koçê Ewropa bikerê.

	&nbsp;

	Êzidîyê Şengalê yê 2013 de semedê hêrişê çeteyê DAIŞî mecbur mendî koç bikerê, bi hezarê ci ameyî Amed û o wext warê Fîdanî yê Yenîşehîrê Amedî de ameyî cakerdiş. La dimayê ke qayûm tayînê şaredarîyê Yenîşehîrî ame kerdiş, Êzidî kampe ra ameyî vetiş û eşrawitî kampa AFADî. Êzidîyê serra vîyarte aşma çele de kampe ra ameyî vetiş û kampa AFADî yê Mîdyatê Mêrdînî de ameyî bicakerdiş. Êzidîyê kampe de her wext rastê vatişê nefretî yenê, hewte de tena di rojan eşkenê vejyê teber. Heto bîn ra problemê doktor û dermanan zî yeno cuwîyayîş û seba dermanê kampe bi pereyan yenê dayîş problem yenê cuwîyayîş.

	&nbsp;

	Rastê vatişê nefretî yenê

	&nbsp;

	Êzîdîyê ke wextê şî kampe hetê selahîyetdarê &nbsp;kampe ra rastê tehdîdê 'Kam şima ra tebera persan pers bikero, cewab medê' kerdê û Êzidî seba cîyabîyayîşî gazincan kenê. Êzidî hamnanî seba nêbîyayîşê klîma û zimistanî zî seba cil û kêmasîyê soba problemê pîl cuyenê û heto bîn ra warê ke domanê înan kay bikerê çin o. Cinîyêke bi nameyê Xerê dîyar kerde ke werdê kampe înan rê yeno vilakerdiş qîm nêkeno û vatî ê heme werdê xo bi îmkananê xo gênê. Şarî va ê nêeşkenê îbadetê xo bikerê û rastê vatişê nefretî yenê.

	&nbsp;

	'Semedo ke mi nêeşka dermanan bigîrî nêweşî aver şî'

	&nbsp;

	Xerê da zanayîş ke seba dermanê ke nêeşkena bigîro, şîya nêweşxaneyê dewlete yê Mîdyatî û va: "Kampe de şarê bîn ra çîyêk nîno waştiş. La ma ra pere wazenê. No semed ra wexto ke domanê ma nêweş bikoy ma nêeşkenê dermanan bigîrê. Semedo ke mi dermanê xo nêgirewtî, nêweşîya mi giran bî. Doktor ez eşrawita Êlih. Ez nêzana se bikerî. Bi serrêke ma probleman anê ziwan la kes çîyê ke nêkeno. Xeylê kes zî seba nê probleman koçê Ewropa kerdî.

	&nbsp;

	&nbsp;