Polîsan waşt goran xira bikerê hemwelatîyan nêverda 

2018-05-03 09:21:30


	 

	MÊRDÎN - Nisêbîn de bi di serrî yo polîsî nêverdenê keyeyî bikoyê Goristanê  Haceca û polîsê ke waştî goristan birijnê rastê reaksîyonê şarî ameyî û dima ra peyser xo antî.

	 

	Goristanê Haceca taxa Zeynel Abîdîn yê Nisêbînî dimayê pêrodayîşan bi bombayan texrîb bibi. Bi di serrî zî bi sebebê qedexeyan destûr nêdayne keyeyan ke şêrê goristan. Gorê kesê ke prosesê îdareyê xoser de cuya xo vinî kerdîbî parçe bîyê û eynî wextî de gorê aîdê endamê YPJA-STAR û HPGiyijan zî estê.

	 

	'Nêverdenê gorî bêrê viraştiş'

	 

	Goristano ke ameyo rijnayîş nûkteyê sifirî de yo. Goristan netîceyê bombavaran û pêrodayîşan de ameyo wêrankerdiş nêverdenê bêro viraştiş. Ne cenaze eşkenê bêrê definkerdiş û ne zî verdenê hemwelatî gorê merdimanê xo tamîr bikerê.

	 

	Kamerayê mobese goristan de ameyê bicakerdiş û nêverdenê dayîkî zî şêrê serê gorê domananê xo û keyeyî dûrî ra domananê xo lorîyan vanê. Hewteyê vîyarte de bi wedartişê qedexeyan dir keyeyî eşkenê şêrê serê gorê domananê xo la destûr nêdanê tamîrkerdişê goran.