Hemverê TOKÎyan keyeyê xo viraznena 

2018-05-02 11:57:24


	 

	MÊRDÎN  - Cemîle Tana ke Nisêbîn de ersaya keyeyê aye ame rijnayîş newe ra girewte, bingeyê keyeyê xo newe ra eşte. Cemîleye va: "Na tena zî seba taxa ma hêvî ya."

	 

	Nisêbînê Mêrdînî de dimayê qedexeyê tebervejyayîşê kuçeyan Taxa Zeynel Abîdînî bi rijnayîşî dir amî tarûmarkerdiş. Taxa ke bi serrêke û nîm o qabûbetê ci dîyar nîya, aşmêk verê TOKÎ ameyî viraştiş. Taxa ke awanî lezgînî yenê viraştiş, hîn ersayê ke nêkewtî warê TOKÎ reyna dayî wayîrê înan. Cemîle Tana ersaya xo newe ra girewtî, dest bi viraştişê keyeyê xo kerde.

	 

	'Pêwa heme tedayan mi îmza nêeşt'

	 

	Cemîle da zanayîş ke bi aşman keyeyê xo ra dûr mendê û wina va: "Dimayê qedexeyan ma ameyî kepçe keyeyê ma ra derbaz bîne. Rêçe guleyan keyeyî ma de estbî. Ewil veşnayî, dima ra rijnayî. Pêwa heme israrê mi seba TOKÎ îmza nêeşt. Semedo ke mi îmza nêda seba hacet û keyeyê mi pere nêdayî. Keyeyê mi seba nêkewt verê warê TOKÎ reyna dayî mi. Ez zaf kêfweş bîya. Na tena seba taxe bena hêvî."

	 

	Cemîle peynîye qiseykerdişê xo de arde ziwan ke kes TOKÎyan nêwazeno û va wa ersayê şarî bidê ê xo rê keye viraznê.