Loqantaya xo seba cinîyan warê îstîhdamî akerde 

2018-05-02 11:04:41


	 

	Gulîstan Azak

	 

	MELETÎ - Hayrîye Ersoya lokanta xo akerde, seba cinîyan tewr zêde warê xebate de ca bigîrê tena bi cinîyan dir xebityenê.

	 

	Hayrîye Ersoy (40) yê werdişê aye hetê xeylê kesî ra ameyne ecibnayîş, xo rê qezaya Yeşîlyurtî lokanta akerde û seba cinîyan zî warê karî akerd.

	 

	Hayrîye da zanayîş ke hukmêvernî hemverê xebata cinîyan ancax bi tewr zêde warê karî eşkenê bêrê çareserkerdiş û va ê dimayê serran dima ageryaya qezaya xo û wina va: "Seba krîzê ekonomî û problemê debara mi waşt ez çîyêke bikerî û debara keyeyê xo bikerî. Ez kewta mîyanê cigêrayîşan û mi xo rê kar dî. Ez bi bawerîyêke pîl kewta rayîr."

	 

	'Ma bi cinîyan dir xebityenê'

	 

	Hayrîye da zanayîş ke heme xebatkarê lokanta cinîyê û va: "Ez bi taybet wazena cinîyan dir bixebityî. Seba ke ma cinî goreyê camêrdan zaf jîyat û awankerdox ê. Cinî her karê xo bi hewayêke erj kenê. No semed ra heme embazê mi cinî yê. Gerek cinî seba debara xo bidê warê kar. Xora bawer bê û fek ekonomî ra vera nêdê."