'Kontrolê Edlî çarya hacetê tedayê psîkolojîk' 

2018-05-01 12:30:24


	 

	STENBOL- Avûkatê EHBî Gulhan Kaya, dîyar kerde ke qerarê kontrola edlî yê derheqê sehezaran kesî de ameyo dayîş çaryayo hacetê tedayê psîkolojîk û va bi huqûq nîno vatiş, gerek atmosfero sîyasî bêro vurnayîş.

	 

	Goreyê dayeyê Serekîya Daîreyê Serbestîyê bi Kontrol, dadgehan Tîrmeha 2017 ra heta nika derheqê 360 hezar kesî de qerarê kontrolê edlî (serbestiyê bi kontol) daw. Hûmara kontrolê edlî roj bi roj zêde beno û yeno pawitiş ke na hûmare 2018 de zêde bena. Avûkatanê Buroyê Huqûqê yê Bindestan (EHB) Gulhan Kaya  derheqê babete de qisey kerde û va seba sebebê sîyasî bi hezaran bi tepiştiş ya zî bi kontrolê edlî sewqê dadgerî cezaya sulh ameyê kerdiş û va dadgere xeylê qerarê tepiştişî danê û veradayîşêke bi kontrolê edlî hema hema nêvirazêno.

	 

	Gulhane da zanayîş ke vatişêke tewr qij ê muxalîf ceza kenê û va dayeyê kontrolê edlî û girewtiş zêde bîyê. Gulane wina dewam kerde: "Sebebê nê vurnayîşê siyasî yê. No zî babeta sîyasî ra dûr nîyê. Hukm çaryayo vengê muxalîfan bibirno. Ma hukm û xoserbîyayîş nêeşkenê bîyarê têhet. Her ca de mudaxale esto."

	 

	‘Dewleta mesajê ‘mi nêgirewt la ez taqîb kena' dana'

	 

	Gulhane dîyar kerde ke kontrolê edlî seba tedbîrê giran yê tepiştiş de bêro xebitnayîş, ardê û wina va: "La ewro xeylê qerarê kontrolê edlî yenê dayîş. Wextê peyîn de kes bê kontrolê edlî nîno veradayîş. Amancê dewlete o yo ke mesajê ‘mi nêgirewt la ez taqîb kena'. Ez zî hewte ra reyke şina qerekole û îmza dana. No caardişêke ‘bê huqûq o'. No çaryayo tedayê psîkolojîk.”