Cinîyê HDPîyijan ra stratejîyê weçînayîşî: "Seba 200 hezar sindoqan 200 hezar cinî 

2018-04-30 14:27:10


	 

	Habîbe Eren

	 

	ENQERE - Endama MYKî yê HDPî û Koordînasyonê Cinîyan Bedîa Akkaya dîyar kerde ke do prosesê weçînayîşî de tifaqê cinîyan do 'cepheyê cinîyê demokratîk' de bîyarê têhet û va: "Kotaya namzetîyê 600 parlamenterî 300 ci do cinîyan ra bêro meydan. Ma do bi sloganê ‘bi 200 hezar sindoqan 200 hezar cinî’ wayîr sindoqan vejyê.

	 

	Endama MYKî HDP  û Koordînasyonê Cinîyan Bedîa Akkaya derheqê stratejîyê prosesê weçînayîşî û xebatê ke cinî Tirkîya û Kurdistanî do bimeşê de qisey kerde.

	 

	Bedîa da zanayîş ke cinîyan qerarê weçînayîşî nêgirewtê û hemverê qerarê blogê îqtîdarî girewtê xeta têkoşînî awan kerdê û va do bi têkoşînê cinîyan ê hempar de seranserê prosesê weçînayîşî de bi ewnîyayîşê cinîyan xetêke awan bikerê û va sey meclîsî rojeve înan a ya ke 'Cepheyê Cinîyê Demokratîk’ awan bikerê.

	 

	'Hêzê esas do tifaqê cinîyan bê'

	 

	Bedîa eynî wextî de arde ziwan ke netîceyê munaqaşe û pêvînayîş kerdê de xeylê het îqtîdar ra bi hewayêke cidî nêrehet ê û va: "Esas de vejya meydan ke hêzê sereyîn cinî yê û no zî ancax bi tifaqê cinîyan eşkeno bêro wedartiş. Eynî wextî de no berpirsyarîyê ma zî zêde keno."

	 

	'Ma hewl danê ruhê yewîye awan bikerê'

	 

	Bedîa wina va: "Kurdistan de nukteyê yewîya neteweyî de û rayberîya meclîsê cinîyê xebate estê. Ma wazenê bi cinîyê ke ameyê îxrackerdiş, cinîyê xebatê sendîkal meşnenê dir ruhê yewîye awan bikerê. Do cinîyan dir tifaqê ma hîra bibo. HDP projeyêke seba şaran ameya pêşnîyarkerdiş a û hêvîya cuya newe ya." 

	 

	Bedîa tewr oeynî qiseykerdişê xo de bale ante ser prosesê weçînayîşî û kotaya namzetîyê 600 kesan û ci ra 300 cinîyan ra yena meydan û wina va: "Kotaya namzetîya 600 parlamenterî 300 do cinîyan ra bêro meydan. Ma bi sloganê ‘bi 200 hezar sindoqan 200 hezar cinî’ wayîrê sindoqan vejyê."