Cinî do 1ê Gulane de 'Kortojê Morî' de bêrê têhet 

2018-04-30 14:05:24


	 

	STENBOL - Endama Meclîsê Cinîyan Ayşen Ece Kavase dîyar kerde ke do 1ê Gulane de ‘Kortejê Morî’ cinî do 1ê Gulane de pîya rayşayîş bikerê û veng dayî heme cinîyan ke beşdarê kortejî bibê.

	 

	Meclîsê Cinîyan do 1ê Gulane de ‘Kortejê Morî’ awan bikerê, veng heme cinîyan kenê ke kortejê cinîyan de bêrê têhet û hemverê îhlalkerdişê kede û nasnameyê vengê xo berz bikerê. Endama Meclîsê Cinîyan Ayşen Ece Kavase dîyar kerde ke do ewnîyayîşê cîya cinî kortejê cinîyan de bêrê têhet.

	 

	Roşanê heme cinîyê bidestan o'

	 

	Ayşene da zanayîş ke bingehê meclîsê cinîyan xo seperneno huqûqê şexsî û va heme cinî bi endîşeyê xo meclîs de ca gênê û va heme cinîyê endamê meclîsî ya zî do endamî kortej de ca bigîrê. Ayşene wina va: "Cinî her warê cuwîyayîşî de seba bi camêrdan têduşt bê têkoşîn kenê. Seba biresê heqê xo kedêke pîl danê. No semed ra 1ê Gulane roşanê heme cinîyan o."

	 

	Ayşene peynîye qiseykerdişê xo de da zanayîş ke ganî cinî tu warî de bêveng nêmanê û cinîyê bêveng nêmanenê cesaret danê cinîyê bînan û va cinî tena nîyê û nê çî 1ê Gulane de reyke bîn zî bîyarê vîr.