'Ma do 1ê Gulane de seba pawitişê qezencanê xo waran de bê' 

2018-04-29 09:15:21


	 

	ÎZMÎR - Hemsereka HDPî ya Îzmîrî Semra Uzunoke veng da cinîyan ke 1ê Gulane de wayîr keda xo vejyê, qezencê xo bipawê û waştişê xo biqîrê.

	 

	Hemsereka HDPî ya Îzmîrî Semra Uzunoke dîyar kerde ke do Îzmîr de cinî seba wayîrê qezencanê vejyê 1ê Gulane de waran de bê û va do coşê 1ê Gulane berê 24ê Hezîrane.

	 

	Semra da zanayîş ke do keda cinîyan û têkoşînê nasnameyê cinîyan warê 1ê Gulane de xo bimojno ra û wina va: "Sey 8ê Adare, bi mîlyonan cinîyê meydanê qedexekerde rê akerdeyê, her wext hemverê kiştişê cinîyan, îstîsmaro zayendî û îhlalkerdişê kede veng vetê. Pêwa heme hewldayîşê cinîyan Newreoze de vengê xo dayê eşnawitiş û waştişê xo ardê ziwan. Pêwa heme tedayan ma do warê Gundogdu bi şîarê ‘Ma do qezenc bikerê' waran de bê."

	 

	‘Dişminîyê cinîyan her wext estbi'

	 

	Semra dewamê qiseykerdişê xo de wina va: "Awankerdişê Tirkîya ra heta nika hemverê dişminîyê cinîyan têkoşîn ame dayîş û ewro zî yeno dayîş. Cinî fabrîkayan de kargerîyê sey hêzê erjan ameyê vînayîş. Heta keyeyê xo de sey kole ameyê vînayîş. Hewl ame dayîş ke qezencê cinîyan bi têkoşînê serran ameyo dayîş, ameyê bidestgirewtiş bêrê girewtiş. La cinîyan bi têkoşînê xo no peyser anê."

	 

	Semraye va yê ke her wext keda înan çin ameya hesibnayîş cinî bîyê û va tena wextê AKPî de nê her wext keda cinîyan çin ameya hesibnayîş. Semra tewr peynî de veng da heme cinîyê kedkar ke wayîr qezencanê xo vejyê û 1ê Gulane de waran de cayê xo bigîrê.