
'Ganî cinî warê îstîhdamî bi hêzê xo awan bikerê' 

2018-04-28 09:23:05


	&nbsp;

	Medîne Mamedoglu

	&nbsp;

	ŞIRNEX - Zîlan Tokaya ke Sîlopî de dikanê pêkayan akerda, veng da ke ganî cinî îmkanê îstîhdamî bi hêzê xo awan bikerê.

	&nbsp;

	Cinîyê ke heqê xo yê hetê zîhnîyetê serdest yê camêrdan ra ameyê xespkerdiş yew bi yew gênê, yew warê ke tewr zêde ameyê vetiş warê xebate yo. Cinîyê ke keda înan keye û kargerî de nînê vînayîş, bi hêzê xo yê xoser warê îstîhdamê xo awan kenê. Sîlopîyê &nbsp;Şirnexî de Zîlan Tokaya dikanê pêkayan akerda, veng da heme cinîyê Kurdan ke serê linganê xo de vinderê.

	&nbsp;

	Zîlana ke di domanê aye estê bi 10 serrî yo mêrdeyê aye hepisxane de yo. Zîlane bi tena sereyê xo heme berpirsyarî girewta serê xo wina vana: "Çi destê mi ame mi kerd. Mi waşt ez mesaj bidî heme cinîyê ke camêrdê înan hepisxane de yê. Mi no dikan di serrî verê akerd."&nbsp;

	&nbsp;

	'Ganî ma alternatîfan awan bikerê'

	&nbsp;

	Zîlane bale ante serê têkoşînê cinîyê Kurdan û va bi taybet prosesê peyîn de hemverê hewldayîşê hepskerdişê keyeyê alternatîf bêrê awankerdiş û wina va: "Ganî cinî xêrcê piştdayîşê tu kesî serê linganê xo de vinderê. Seba akerdişê tîya ez xeylê fikiryawa. Ez nika zî bi di karî debara xo kena. Fikrêke wina ame hişê mi. Mi qerarê xo da û mi dest bi kar kerd. Mi hema dikan pir kerd. Mi bi deynan hacetê xo girewtî. Wa heme cinî xo ra bawer bê. Gerek karê xo ê awan bikerê. No semed ra bawerî zaf girîng a. Eke ma biwazê ma eşkenê heme çî bikerê."

	&nbsp;