
'Yewin rayîrê çareserî Abdullah Ocalan o' 

2018-04-27 09:32:53


	&nbsp;

	STENBOL - Endama DBPî Yildiz Çetîne dîyar kerde ke astengkerdişê pêvînayîşê bi Rayberê PKKî Abdullah Ocalanî dir bandurêke pîl serê sîyaset, ekonomî û cuya welat kerdo û va: "Yewin rayîrê çareserî problemê Birêz Ocalanî yê."

	&nbsp;

	Tecrîdê giran yê serê Rayberê PKKî Abdullah Ocalanî her ke şino giran beno û muracatê keye û avûkatan seba pêvînayîşî yeno redkerdiş. Endama DBPî Yildiz Çetîne arde ziwan ke Abdullah Ocalan hetê prosesî de faktorêke girîng o.&nbsp;

	&nbsp;

	Yildize dewam de da zanayîş ke Abdullah Ocalan bi fikrê xo bandurêke pîl serê şarê Tirkîya de kerdo û dima ra hukmatî ferq kerdo û prosesê tecrîdî dest pêkerdo. Yildize wina dewam kerde: "Birêz Ocalanî seba şaran proje û persepektîfê girîng pêşnîyar kerdê. Mîmarê sereke yê pêrosesê çareserî yo. Proseso bi rayberîya ey dest pêkerd hêvîya şarî zêde kerd. Merdiman yewin rey bê munaqeşeyê sîyasî yewbînan dir seba ameyoxê welat qisey kerdî. Proseso ke çîyê yewin ameyî cuwîyayîş de ame vînayîş ke şar kîn û nefret ra dûr mendê."

	&nbsp;

	'Ewnîyayîşê ey esîr yenê girewtiş'

	&nbsp;

	Yildize ard ziwan ke seba aştî bêra Abdullah Ocalanî hewldayîşêke pîl dayo û wina va: "Birêz Ocalan seba şaran aktorêke girîng o. Lîderêke şar ci ra bawer keno yo. Girêdayîşê şarê Kurdî bi Birêz Ocalanî dir meydan de yo. Hukmat hetêke Ocalan tecrîd keno û hetêke bîn ra zî şarê ke ey ra bawer keno esîr gêno. Eynî wextî de zî ewnîyayîşê Birêz Ocalanî esîr gêno."

	&nbsp;

	'Hewcedarîyê Tirkîya bi Birêz Ocalanî esto'

	&nbsp;

	Yildize tewr peynîya qiseykerdişê xo de arde ziwan ke yewin rayîrê çareserîyê problemî Abdullah Ocalan o û ganî hukmat na babeta tecrîdî de game bierzo û va: "Bi vindarnayîşê pêvînayîşan de xeylê problemî rî dayê. Yewin rayîrê çareserkerdişê probleman Birêz Ocalan o. Hewcedarîyê Tirkîya bi Birêz Ocalanî esto."

	&nbsp;

	&nbsp;