Keyeyê hepsîyan: Ganî hepisxaneyê Tarsûsî de kar û barê huqûqî bêrê destpêkerdiş 

2018-04-26 14:15:43


	 

	MERSÎN - Hepisxaneyê Tarsusî de teda û îşkence dewam keno û keyeyî muracatê sazgehê heqê merdiman kenê, dîyar kerdî ke ê cuwîyayîşê hepsîyan rê bi endîşeyîn ê û waştişê kar û barê huqûqî kerdî.

	 

	Dimayê OHALî îhlalkerdişê heqan û cezayê dîsîplînî yê kêfî yê hepisxaneyan zêde bî. Hepisxaneyê Tarsusî de zî îhlalkerdişê heqan merhelaya tewr cor de yenê cuwîyayîş. Cigêrayîşê viran heta hûmartişê serê lingan, her tewir îşkenceyê fîzîkî û psîkolojîk hepsîyan rê yenê kerdiş û labelê derheqê waştişê hepsîyan de zî selahîyetdaran tu çîyêk nêkerdo. Keyeyan muracatê sazgehê heqê merdiman dayî zî têkoşînê înan dewam keno.

	 

	'Ferzkerdişê cêgirayîşê viran'

	 

	Zehra Yakuta ke waya aye Hepisxaneyê Tarsusî de manena, dîyar kerde ke 4 aşmî qedexeyê pêvînayîşê akerde û girewte dayê waya aye û va pêvînayîşê telefonê peyîn de waya aye vato ke hemverê hepsîyan de îşkenceyê psîkolojîk, fîzîkî, şîdet û teda yenê kerdiş. Zehra wina va: "Waya mi va peynîya na hewte de rastê cigêrayîşê viran ameyê. Hepsîyê ke hemverê nê vejyayê kerdê hucreyan û hîrê rojî vêşan û teyşan verday. Waya mi va şîdeto sîstematîk serê aye û embazanê aye de esto. Ma bi endîşeyîn ê. Ganî nê caardişan peynî bidê ci."

	 

	Ozgur Denîz Balkaş zî da zanayîş ke bi telefon waya xo dir qisey kerda û waya aye vato ke hûmartiş hetê leşkeran ra yeno kerdiş û wexto ke hepsî hemverê ci vejênê zî rastî şîdetê fîzîkî û vatişî yenê. Ozgur da zanayîş wexto ke hepsî na rewşe keyeyanê xo rê qalî kenê zî rastê cezaya hucreyan gênê. Ozgur da zanayîş ke nê caardişan qebul nêkenê û va ganî kar û barê huqûqî bêrê kerdiş.