Şaredarîya AKPî citkaran mehkûmê awa kanalîzasyonî kerdî 

2018-04-24 13:45:53


	 

	Gulîstan Azak

	 

	MELETÎ - Pêwa şaredarîya Yeşîlyurt û parlamenterê AKPî  çem pak kerdî, awa kanalîzasyonî kona mîyan, hemwelatî berardişê mişmişe, fêkî û sebze kenê û mecbur manenê na awe bixebitnê û berardişê nê hemwelatîyan zî heme welatan rê vila benê.

	 

	Qezaya Yeşîlyurtê Meletî çemo ke taxan re derbaz beno roj bi roje xeterî vila keno. Ame dîyarkerdiş ke awa kanalîzasyonî çem lêşin keno û na awe bandurêke pîl serê berardişê baxçeyan keno. Hemwelatîyan reaksîyon hemverê şaredarî û parlamenterê AKPî dayî û vatî 'ça, ça de yê?'

	 

	Cinîya bi nameyê Emîne Koşara 45 serrî kanalê ke awa kanalîzasyonî kewta mîyan û wina va: "Heme berardişê ma mecburê na awa lêşîne mendê. Ma nêeşkenê awe bidê baxçeyê xo. La ma mecburî sebze û fêkiyê xo awe danê. Citkar yenê mexdurkerdiş û yê bîn zî qesrê xo de nişnenê ro."

	 

	'Domanî nêweş kewtî'

	 

	Îlknur Koşara 22 serrî zî reaksîyonê şaredarî da û wina va: "Çem lêşînî ra nîno vînayîş. Domanî no semed ra nêweş kewtî. Weşîya ma xeter de ya. Ganî problemê awdayîş bêro çareserkerdiş. Yê ke vatî ê do çareser bikerê, ewro koltixê xo de niştê ro."

	 

	Zeynep Ozdemîre zî va sebze û fêkiyê înan seranserê welat vila benê û va no semed ra weşîya welat binê xeterî de ya û va yê pesnê mişmişe Meletî danê, rastî nêvînenê.

	 

	Emîne Îzcîya 68 serrî va çemo ke awa kanalîzasyonî kewta ci, boye nêbaş heme qeza vila kena û va xemê şaredarî nîyo.