Îzmîr Kulturpark de awanîyê pîl nêwazenê 

2018-04-11 11:13:51


	 

	ÎZMÎR - Aktîvîstê Platformê Kulturparkî Çîgdem Ozmene dîyar kerde ke ganî îmkanê îstîmlakî seba îstîmlakkerdişî bêrê xebitnayîş: "Tu kes tîya awanîyê pîl yê sey AVM nêwazenê."

	 

	Kulturpark yew warê kesk ê tewr pîl yê Îzmirî yo. Yeno waştiş ke tîya ser warê 35 hezar metrekare de merkezêke yî kongreya pîl bêro viraştiş. Platformê Kulturparkî hemverê nê xebatê xo da meşnayîş. Hetê Platformî ra her rojê yewşeme bernameyê seyranî yenê viraştiş. Endama platformî Çîgdem Ozmene dîyar kerde ke gerek park aîdê raya pêroyî bo û bê pere bêro xebitnayîş û da zanayîş ke şaredarî vernê de qet parke rê nêewnaya û dima ra zî sey çare projeyê newe vetê dewre.

	 

	'Şar awanîyê pîl nêwazeno'

	 

	Çîgdeme da zanayîş ke gelo çira bi projeyêke tîya heybetê ci beno zêde û wina va: "Îmkanê îstîmlakkerdişî seba îstîmlakî bixebitnê ke tîya weş bibo. Kes nê cayan de awanîyê pîl sey AVMyan nêwazeno. Seba ke her cayê Îzmîrî de nê awanî estê."

	 

	Çîgdeme hetê muetahîtî nêzdîbîyayîşê xo yê îqtîdarî yeno naskerdiş Mesut Sancakî ra yeno waştiş ke Kongre bêro viraştiş û va: "Bi îmkanê şarî uca de merkezê fuarî ame viraştiş. Fuar Gazîemirî de yo. Eke lazimî bibo wa merkezê kongre uca de bêro viraştiş. Tîya warê sît yê arkeolojîkî yo. Warê sît de awanî nêeşkenê bêrê viraştiş."