
Dêrikî de Meclîsê Şaran amey akerdiş 

2018-04-10 12:48:56


	&nbsp;

	DÊRIK - Bajarê Dêrikî yê girêdayeyê Kantonê Qamişlo yê herêma Cizîrî de hetê Lûtkeya Cîhana Newe û Şaredarîya Şaran ra Meclîsê Şaran amey akerdiş û deshezaran kesî beşdarê akerdişê meclîsî bîyî.&nbsp;

	&nbsp;

	Bajarê Dêrikî yê girêdayeyê Kantonê Qamişlo yê herêma Cizîrî de hetê Lûtkeya Cîhana Newe û Şaredarîya Şaran ra Meclîsê Şaran amey akerdiş û deshezaran kesî beşdarê akerdişê meclîsî bîyî. Hemwelatîyê herêm, komele, rêxistin û îdarekarê xoserî beşdarê organîzasyonê akerdişî bîyî. Organîzasyonê akerdişê meclîsî de Îdarekarê Kongreya Cîhana Newe ra Uonas Stal, Şaredarîya Dêrikî ra Rojîn Çeto û Heyetê Şaredarîyan ra Sema Bekdaşe qisey kerdî.&nbsp;

	&nbsp;

	Îdarekarê Kongreya Cîhana Newe ra Uonas Stalî qiseykerdişê xo de wina va: “4 serrî verê cu ma ameyî Rojawanê Kurdistan. Ma tîya de demokrasî şinasna. Aye roje ra nata ma waştêne ke çarçeweya cuya azad û seyyewbînanî de projeyê Meclîsê Şaran awan bikerî. Wextê awankerdişê projeyî de, ma felsefeya Rayberê Şarê Kurdî Abdullah Ocalanî ra tesîr girewtî. Na rewşe bî sebebê şoriş û averberdişê Rojawanê Kurdistanî.”

	&nbsp;

	Şaredarîya Dêrikî ra Rojîn Çeto û Heyetê Şaredarîyan ra Sema Bekdaşe qiseykerdişê xo de qala sîstemê demokratîke kerdî û wina vatî: “Sîstemê demokratîke yê Rojawanê Kurdistanî tarîxê şaran gamêk aver berd û seba awankerdişê cuyêka newe şorişê cinîyan ra feyde girewt.”&nbsp;

	Organîzasyonê akerdişê meclîsî de deyrî ameyî vatiş û bi gêrnayîşê govendan qedîya.

	&nbsp;