
Hukmê serdest yê seba gumanbarî îstîsmaro zayendî rê berat 

2018-04-09 09:09:46


	&nbsp;

	AMED- Yewin Dadgehê Cezaya Giran ya Amedî vera ke îfadeyê domana ke rastê îstîsmaro zayendî ameya û psîkolog va îfade rastê, esas bigîrê, qerarê seba gumanbaro îstîsmaro zayendî berat da.

	Domana 17 serrî alî Amed de cuyayne dîyar kerdebî ke hetê birayê xo ra rastê îstîsmaro zayendî ameya û gerre kerdebî. No ser birayê aye K. sûcê ‘îstîsmarê zayendî yê bi nîtelîk’ ame tepiştiş. Wexto ke dewa dewam kerdêne, keyeyî teda domane kerde ke îfadeyê xo peyser bianco. Domane no ser keye ra rema û şî verê waye xo de cuya. Camêrdo bi nameyê E.U yê bi waye aye dir bi mehrê dînî zewicnayebi 21ê Teşrîna Peyêne 2017an de hemverê domane îstîsmaro zayendî kerd û domane gerre kerd.

	Îfade ameyî girewtiş, dima ra ame veradayîş

	Dimayê gerrekerdişî E.U ame tepiştiş û dimayê îfadeyan ame veradayîş. Îdianameyê hetê Serdozgerîya Komara ya Amedî ra ameya amadekerdiş de ame waştiş ke gumanbar sûcê ‘îstîsmaro zayendî yê domane' bêro cezakerdiş. Yewin roniştişê Yewin Dadgeha Cezaya Giran ya Amedî de ame vînayîş de îfadeyê gumanbar û waya domana mexdure amî girewtiş.

	Gumanbar roniştiş de îdia kerd ke çîyêke wina nêkerdo û waya domane zî mêrdeyê xo piştrast kerde.

	Psîkolog:Domane rastîyan vana

	&nbsp;Domana ke psîkologe rê îfade da, dîyar kerde ke waya aye û E.U zuran kenê û îfadeyê xo yê verê hîra qalî kerde. Psîkologa domane zî va ke birayê domane tepişnayeyo û wina va: "Keye teda domane rê keno ke îfadeyê xo bivurno. Keyeyî ma keyeyê xo ra kerdî teber Keye wayîrê domane nêvejêno. Teda domane rê kenê. Bi taybet zî domana xo ya kêna qebul nêkenê. Gumanbar aye taqîb kerdo. Şîyo cayê ke xebityena. Çîyê ke vana rastê."

	Dozgere roniştişê qerarî de waşt ke gumanbar 3 serran heta 8 serran bêro cezakerdiş. Dadgehe zî va delîlê somut çin ê û qerarê beratî da.

	&nbsp;