
Reng û keda cinîyan bi tuvalan arde têhet 

2018-04-08 09:13:14


	&nbsp;

	MELETÎ - Halîse Ozdemîra bi wêneyê xo yê boyaxê runî yê cinîyan esas gêna hem hunerê xo kena û hem zî cuya xo ya ekonomî awan kena. Halîse seba reng û keda cinîyan bi tuvalan arda têhet zaf kêfweş a.

	&nbsp;

	Halîse Ozdemîra 28 serrî ke bi resimê ke viraştê azadîya ruhê cinî, hedîseyê komelî û cuyê cîya xêz kena, vana: "Cinî awankerdoz a kultur û hunerî ya. Ganî cinî cuyayîş û xeyalê xo binusnê, xêz bikerê. Ez bi rotişê resimanê xo pewerdeyê xo dewam kena. Ez wendekarêke maya hîrê domanan a. Ez bi Beşê Xizmetê Komelî Unîversîteya Înonu de wanena. Seba mi viraştişê resiman, perwerde û domanê mi asteng nîyê."

	&nbsp;

	'Resim hêvîye cuyayîşî ya'

	&nbsp;

	Halîse da zanayîş ke hunerê resiman seba aye taybet o û wina va: "Ez domanîya xo ra xêzkerdişê resimî hes kena. Wextê veng de ez her çî xêz kena. Ez beşdarê qursan bîya. Mi nê cayan de teknîkê newe musna. Mîyanê wextî de mi xo aver berd. Resim seba mi hêvîye, cuyayîş a."

	&nbsp;

	Halîse peynîye qalîkerdişê xo de da zanayîş ke cinî berardişê û va: "Kede pîroz a. Ganî cinî xo her ware de aver berê. Şima eşkenê hema nika qeleme û firçeyêke bigîrê destê xo û çîyan xêz bikerê. Qetî dest berardiş ra vera nêdanê."

	&nbsp;