
Seba nasnameyo sîyasî ceza Aysel Tugluke rê amî birnayîş 

2018-04-07 09:28:01


	&nbsp;

	Safîye Algaş

	ENQERE - 17in Dadgeha Cezaya Giran ya Enqere derheqê Aysel Tugluke de 10 serre cezaya hepsî birna û derheqê aye de qerarê xo ya bi sebeb eşkera kerde. Dadgehe îdia kerde ke seba rayşîyayîşê qanûnî, îzahatê çapemenîye, çalakîyê roniştişî û qiseykerdişê ke KCDî de kerdê ceza ame dayîş.

	Derheqê temsîlkara hemsereka pêroyîyê HDPî yê wextê verî Aysel Tugluke de hetê 17in Dadgeha Cezaya Giran ya Enqerî de bi sebebê ‘endama rêxistinê çekdarî' 10 serrî ceza birna. Dadgehe qerar bi sebeb eşkera kerde.

	Dadgehe bi qerarê bi sebeb yê ceza de ca da îdianameyê Aysele. Îdianame de kronolojîyê PKKî, notê pêvînayîşê tarîxê cîya yê bi Rayberê PKKî Abdullah Ocalanî dir ca gênê. Heyetê dadgehe ca da tarîxê kombîyayîşê PKKî yê 27-28 1978an Licêyê Amedî virazyaw.

	Dadgehe îdia kerde ke Gulana 2007an de hewl dayê ke rêxistibîyayîşê û falîyetê PKKî bi destûrêke bingehîn ê nuşte bikerê cuyayîş. Heto bîn ra ame îdia kerdiş ke bi talîmatê Îmralî KCD ameyo awankerdiş û dewam de zî ca da amanc û falîyetê KCDî.

	Ame îdiakerdiş ke Aysele bi talîmat bîya hemsereke

	Heyetê dadgehe çalakîyê Aysele şîrove kerde û îdia kerde ke Aysel bi talîmatê Abdullah Ocalan bîya hemsereka KCDî yê 2007ine de ameyo awenkerdiş. Heto bîn ra çalakîyê seba azadîya Ocalalan ameyê kerdiş zî Aysel bi amancê piştdayîş beşdar bîya.

	&nbsp;