
Hîrê nesil eynî hepisxane de yê 

2018-04-04 09:25:57


	&nbsp;

	MÊRDÎN - Vesîle Yuksela ke bi domana xo Arîn, Avesta û dayîka xo Gurbet Tekîne dir hepisxane de ya, muracatê aye seba 'veradayîşê bi kontrol' hetê Dadgerîya Înfazê Ceza ra ame redkerdiş. Sebebê redkerdişî o bi ke Vesîle 'hepsîya sîyasî ya.'

	&nbsp;

	Vesîle Yuksela serra vîyarte de aşma sibate de Mêrdîn de seba parekerdişê aye yê çapemenîya komelî bi sebebê 'propagandayê rêxistine kerda' amî tepiştiş û dima ra zî vetî dadgehe. Dadgehe de persa 'PKK rêxistinêke terorî yo yan nê?" Vesîle ra ame perskerdiş û aye zî cewabê 'nê' dabi. Serrêke û 10 aşmî cezaya vesîle rê amebî birnayîş amî tesdîqkerdiş. Dimayê ke ceza amî tesdîqkerdiş bi kêna xo Arîna 3 serrî û Avestaya 5 serrî eşrawitî hepisxaneyê Tîpê M yê Bayburtî.

	&nbsp;

	Vesîle ka roja ameya tepiştiş, bi kêna xo û dayîka xo Gurbet Tekîne dir têhet manenê. Vesîle seba 'veradayîşê bi kontrol' muracat kerde zî bi sebebê 'hepsîya sîyasî ya' amî redkerdiş.

	&nbsp;

	Di dayik û kêna xo dir eynî koxuşe de manena

	&nbsp;

	Gurbet Tekîna seba ke cezaya aye hîrê serre biqedîyo 4 aşme aye mendê. Vesîle verê bi dayîka xo dir Mêrdîn de mendêne û dimayê ke dayîka aye amî surgunkerdiş zî şîya koxuşe înan. Nika Vesîle, Avesta û Gurbet eynî koxuşe de manenê.

	&nbsp;