Seba dayîka ke 6 serre yo lajê xo nîdîya ezîyetê pêvînayîşî 

2018-04-03 12:26:09


	 

	ŞIRNEX - Nebahat Îşçîya ke bi 6 serrî y lajê xo yê hepisxaneyê Tîpa T yê Hûmara Yew ê Bandirma de nêvînena, bi piştdayîşê cîranê xo şî hepisxane la pêwa ke pêvînayîşê akerde estbizî, aye girewtî pêvînayîşê girewte. Nebahate da zanayîş ke pêvînayîş bi pêvînayîşê 10 deqeyan ê telefonî ameyo kerdiş û va wa Homa no zulmî qebul nêkero.

	 

	Nebahat Îşçîya ke Cizîrê Şirnexî de cuyena, lajê xo Naîf Îşçî yo hepisxaneyê Tîpê T yê Hûmara Yew ê Bandirma de maneno, bi 6 serrî yo nêvînena. Nebahate ke bi hîrê domananê xo dir cuyena, seba lajê xo bivîno bi piştdayîşê ekonomîya cîranan şî Balikesîr.  Nebahate pêwa heme zehmetîyan şî Balikesîr, pêwa ke pêvînayîşo akerde estbi aye girewtî pêvînayîşê girewte. Nebahate dîyar kerde ke çaqeyê lajê aye de platîn esto û va aye rewşa lajê xo ra endîşeyîna û ganî lajê aye sewqê cayê ke nêzdî bibo û bêro dermankerdiş.

	 

	'Tepiştiş de mi qîrnayîşê lajê xo eşnawit'

	 

	Nebahate ard ziwan ke 2008 de bi sebebê ‘îxbarî’ pîya ameyê tepiştiş û wina va: "Rojêke ez kar ra ameyne keye eştbî serê keyeyî. Ber şiktibî. Vernê de mi tepişnayî. Serê siba de mi qêrînayîşê lajê xo tepişnayîş de eşnawit. Ma hewteyêke tepişnaye mendî. Dima ra mi veradayî, lajê mi tepişnayî. Lajê mi hîna qij bi. Nasname de pîl ameyo nuştiş, la o wext 13 serre estbi ya çinbi."

	 

	‘Surgun kerdî'

	 

	Nebahate da zanayîş ke nêzdîyo 10 serrî yo lajê aye hepisxane de yo û wina va: "Ewil 8 serrî ceza da û dima ra zî dosyayê cîya na ceza vetî 20 serran. 4 serrî hepisxaneyê Sêrte de menda. Dimayê surgunê Bandirma kerdî. Zanayne ez çi rewşe de ya û no semed ra surgunê hetê bîn yê Tirkîya kerdî. Semedo ke ez reyke bîn nêvînî wina kerdî. Ez bi tena sereyê xo ewnîyena domanan ra. Semedo ke dûro ez nêeşkena şîrî. Eke hîn îmkanê mi estbayne ez şîne."

	 

	‘Platînê gerek 6 aşman de bivejyayne bi 9 serrî çaqeyê ey de yo'

	 

	Nebahate dewamê qiseykerdişê xo de ard ziwan ke çaqê lajê aye Naîf de platîn esto û vera ke 6 aşman de biameyne vetiş 9 saerre yo te de yo û wina va: "Dimayê kewt hepisxane nêame dermankerdiş. Ez wazena lajê mi bêro dermankerdiş. Ez weşîya lajê xo ra endîşeyîn a. Ez zî sey  her kesî wazena lajê xo aşmêke ra yew bivînî."

	 

	‘Pêwa heme hewldayîşê pêvînayîşê 10 deqeyan'

	 

	Nebahate dîyar kerde saetêke verê pêvînayîşî amade bîyo û Nebahate wina va: "La semedê heme keyeyan destûrê pêvînayîşê akerde ame dayîş. Ez tena nêgirewtî. Ez şîya verê dozgere hepisxaneyî. Kaxidêke dayî mi. Kêfê mi ame la hemine girewtî, mi nêgirewtî. Mi va çira şima vera nêdanê û vatî ‘sebir bike ma do vera bidê'. Vendayî mi û mi berdî pêvînayîşê girewte. La mi bizanayne, ez nêşîne. Keye de xora ez pê telefon ci dir qisey kena. Mi waştêne ez lajê xo bivînî. Ma 10 deqeyan pêvînayîş kerd. Wa Homa no zulmî qebul nêkero. Wexto ke derdê ey bibo nêeşkeno telefon de vajo. Belkî wazeno vajo la seba mi nêwazeno vajo. Lajê mi destê xo dayne pişta xo û rayîra şîne. Mi pers kerd va ‘dayê xemgîn mebe, demirê çaqeyê mi nêverdeno çaqey mi aver şêro. No semed ra pişte mi dejena."

	 

	Nebahate peynîye qiseykerdişê xo de da zanayîş ke lajê aye wexto ke newe ameyo tepiştiş qij bîyo û her pêvînayîş de hesirê kerdê war û va: "Wexto ke qij bi mi moral dayne ci. Wexto ke ez vînayne hema mi hembêz kerdêne. Nika lajê mi biqasê moral bido mi pîl bîyo."