'Ganî selahîyetdarî Berfîne bivînê' 

2018-04-01 09:11:06


	 

	MÊRDÎN - Berfîn G ya hîrê rojî verê Dêrik de kuçe de bi zorê sîlehan amî remnayîş, hema zanayîş ci ra nêameyo girewtiş. Cinîyê Endamê Platformê Cinîyan ê Şahmaran yê Mêrdînî dîyar kerdî ke ganî hedîse bêro roşnkerdiş û seba Berfîne bêro vînayîş heme çî bêro kerdiş.

	 

	Hîrê rojî Dêrik de cinîya bi nameyê Berfîn G. ya 21 serrî kuçe de hetê camêrdo bi nameyê Şerîf T. yo ame vatiş ke nobedar o, bi zorê sîlehî amî remnayîş. Pêwa muracatê sucî û heme hewldayîşê keyeyî Berfîn G. nêamî vînayîş û dozgerîye derheqê Berfîne de tu zanayîş nêda keyeyî. Cinîyê Endamê Platformê Cinîyan ê Şahmaran yê Mêrdînî dîyar kerdî ke nûkteyê kontrolê yê Dêrik-Şemrexî de pêwa ke plaka dîyar a zî hema wesayît nêameya vînayîş û vatî ganî hedîse roşn biba û ganî Berfîne bêro vînayîş.

	 

	'Kerdişê hedîse, hedîse ancena hetêke bîn'

	 

	Endama platformî Necla Selçuke derheqê hedîse de qisey kerde û wina va: "Pêwa ke cinî vana ez nêwazena zî, ro zewac ferz keno û mîyanê roje de remneno. Na rewşe merdiman matkena. Keso ke remneno zî xo sey dewlete mojneno ra. Şertê OHALî de pêwa ke hêzê asayîşî wayîrê heqê zêde yê çira mudaxeleyê hedîse nêameya kerdiş, ma meraq kenê. Gerek dewlete seba aramî û asayîşê hemwelatîyan wezîfeyê xo ganî bi ca bîyaro. Ganî heme sazgehê dewlete û rêxistinê komelê sîvîl bêveng nêmanê."

	 

	'Ganî kes bêveng nêmano'

	 

	Neclaye da zanayîş ke ganî gumanbar bêro vînayîş û nimtişê nê hedîseyan û bê ceza verdayîş rayîr hedîseyê bînan zî akeno û wina va: "Ganî gumanbar cezayê pêwist bigîrê. Ez veng dana heme kesan ke hemverê nê çîyan reaksîyon bimojnê ra."

	 

	'Ganî dewlete nê çîyan ra vajo bes o'

	 

	Endama Platformî Dîlber Arslane zî da zanayîş ke tedayê serê cinîyan her ke şinê tewr zêde benê û bi hedîseyê winasî dir zêde eleqedar nêbenê û va: "Ez sey dayîkêke êdî endîşeyîn a. Kêna mi esta û nêzana do komelê serdest yê camêrdan de senîn pîl bibo. Nê hedîseyî her ke şinê zêde benê. Ganî dewlete nê çîyan rê vajo bes o. Ma do têkoşînê xo dewam bikerê. Hewl yeno dayîş ke hedîseyî bêrê nimtiş û wazenê rewşê wina normal bikerê. La ma do taqîbkerdoxê hedîse bê. Ganî no zîhnîyet bêro vurnayîş."