'Ma do hêvî û têkoşînê xo girs bikerê' 

2018-03-30 14:17:41


	 

	 

	 

	Lîlav Elî-Tolîn Muhemed

	 

	EFRÎN - Cinîyê Efrînî yê ke seba hêrişê dewleta tirkî derbazê Şehbayî bî ard ziwan ke tu kes do nêeşko îradeyê înan bişikno û va: "Seba ma ageyrê serç herre xo ya Efrînî, ma do hêvî û têkoşînê xo tewr girs bikerê."

	 

	Cinîyê Efrînî ke seba hêrişê dewleta tirkî mecbur mendî ke derbazê Şehba bibê û pêwa heme zor û zehmetîyan têkoşînê xo dewam kenê ardî ziwan ke ê sereyê xo hemverê talankerdan û îqtîdaran nêtewênenê û vatî: "Heta peynî seba ma reyna ageyrê serê herre xo Efrînî, ma do taqîbkerdoxê xoverdayîşê serdemî bê."

	 

	Cinîya bi nameyê Eyşe Muhemede dîyar kerde ke verê ke dewleta tirkî hêrişê Efrînî bikero, Efrîn cayêke aram bi û va: "Dewleta tirkî bi tank û topan hêrişê ma kerdêne, domananê ma qetil kerdêne. Serê keye û mulkê ma de niştî ro. Verê ke dewlete tirkî hêrişê Efrînî bikero, Efrîn de cuyake asayîş, aram û têduşt estbi. La bi hêrişê hêrişê dewleta tirkî talan dest pêkerd. Ma wazenê talankerdoxî Efrîn ra vejyê û ma ageyrê serê herre xo. Ma do heta peynî seba ageyrê serre herre xo xo ver bidê."

	 

	'Şarê Efrînî do wayîrê azadîya xo vejyê'

	 

	Cinîya bi nameyê Emîne Elî zî arde ziwan ke seba hêrişê dewleta tirkî ê Efrînî ra vejyay û va: "Ma fek herra xo ra vera nêdayne, heta peynî zî ma mendî la semedo ke dewleta tirkî bi tank û topan hêrişê ma kerdêne û her roje şarê Efrînî qetil kerdêne ma mecbur mendî ke Efrîn ra vejyê. La wa Erdogan baş bizano ke şarê Efrînî do azadîya xo rê wayîr vejyê û do têkoşînê xo dewam bikerê ke seba reyna ageyrê serê herre xo."

	 

	'Ma fek têkoşînê xo ra vera nêdanê'

	  

	Fehîme Ebdo ard ziwan ke ê fek têkoşînê xo ra vera nêdanê û va: "Pêwa heme teda û zordestîyan ma do hemverê faşîzmî têkoşîn bikerê. Ma do seba xoverdayîşê serdemê hêvî û têkoşînê xo girs bikerê û hişmendîyê îqtîdarî û faşîstî berê. Seba ma ageyrê ser herra xo  Efrînî, ma do hêvî û têkoşînê xo girs bikerê."