Mêrdîn de 12 kesan domanêke îstîsmar kerdî 

2018-03-27 13:19:58


	 

	MÊRDÎN - Vejya meydan ke Midyad de 12 camêrdan M.D.ya 17 serrî îstismar kerdê. Ame îdiakerdiş ke keye bi zor zewicnayîş M.D. rê ferz kerdê û bi pereyan serê nê çî nimêtê.

	 

	Vejya meydan ke Midyadê Mêrdînî de nêzdîyê aşmêk verê 12 camêrdan  M.D. ya 17 serrî îstismar kerdê. Ame zanayîş ke M.D. tekstîlêke bajarî de xebityayne û bi hawayêke sîstematîk ameya îstismarkerdiş.

	 

	Wexto ke hewteyêke keye ro ci geyreno, kifş beno ke Nêweşxaneyê Dewlete yê Mintiqaya Êlihî de M.D. yena tedawîkerdiş û dima ra neqlê Sazgehê Domanan ê Mêrdînî yena kerdiş.

	 

	'Bi pereyan waştî hedîse binimnê'

	 

	Keyeyê M.D. Sazgehê Pawitişê Domanan ra girewtî û berdî keye. Labelê derheqê kesê ke M.D. îstismar kerdê bi hawayêke detay zanayîş nêame girewtiş. Heto bîn ra derheqê hedîse de nîno zanayîş ke kes ameyo tepiştiş ya zî nê.

	 

	Ame zanayîş ke keyeyê M.D. zî seba serê hedîse bêro girewtiş, M.D. rê zewicnayîşê bi kerdoxê ke dir ameyo ferzkerdiş. La ame zanayîş semedo ke kerdoxêke qebul nêkerdo, bi 30 hezar TL serê hedîse ameya padayîş.