Hemsereka Pêroyîya SESî Gonule: OHAL bi xo weşî rê xirab o

2018-03-25 09:08:35


	 

	ŞIRNEX - Hemsereka Pêroyîya SESî Gonul Erdene da zanayîş bihezaran karkerê weşîye ke bi KHK ameyî îxrackerdiş no semed ra şar êdî asan nêriseno weşîye û wina va: "Kêmasîyê weşî de problemê xeylê pîlan ano meydan. OHAL bi xo weşî rê xirab o"

	 

	Problemê ke warê weşî û xizmetî de yenê cuyayîş, bi OHAL û KHKyan hîna kûr bi. Bi caardişê "Cigêrayîşê Asayîşî" ra bi hezaran xebatkarê weşîye nêeşkenê dest bi kar bikerê. Derheqê problemê weşî de Hemsereka Pêroyîya Sendîqayê Kedkeran ê Xizmetê Komelî û Weşîye Gonul Erdene va ke, "Vîyarteyê tafsîyekerdişê xizmetê îstîmlakî 30 serre verê şino. Xizmetê weşî de heta 30 serre verê tafsîye eyseno. 1980 heta nika na roje rê gam bi gam rojeve de na ware sermayekerdiş bikerê."

	 

	Gonule da zanayîş ke serra 2002 bi îqtîdarê AKP dir, warê weşî de vurnayîş hîna bîyo zêde û wina va: "Bi îqtîdarê AKP dir pîya hema vajê her ware de vurnayîş ame kerdiş. Labelê nê vurnayîşî goreyê hewceyê komelî nê, goreyê berjewendîyê sermaye ameyî formkerdiş. Vurnayîşê ke seba sermaye ameyî kerdiş, netîceyê ci zî negatîf o."

	 

	'Netîceyê îxracan hetê wezaretî ra nînê taqîbkerdiş'

	 

	Gonule ard ziwan ke îlankerdişê OHALî dir îstîmlakî de komî de 110 hezar zêdeyîn îxracî estê û wina va: "Derheqê na babete de hetê wezaretî ra tu xebatêke çin o. Xebatê ke ma kenê tu hêz nêdano. Nê îxracî senîn eysenê tu şîrove nêkeno. Ma nê kesê rêxistinkerde yê, kedkarê weşîye ma bi lebate xo danê mojnarayîş."

	 

	'Îxracan dir pîya cayê weşî ameyî padayîş'

	 

	Gonule, sebebê OHAL û KHKyan netîceyê îxracan ard ziwan û va kê barê xebatkarê weşî hîna zêde kerdo zaf û va: "Hîn cayen de klînîkî ameyî padayîş, hûmara cayê nêweşan ameyî kêmkerdiş. Reyna xeylê nêweşxane de xeylê branşan de vînayîşê doktoran de zehmetî ame antiş. Taybetî Radyolojî, Dîyalîz, Ewnîyayîşê Cayê Domanan, Kardoyolojî yê Domanan de sebêbê îxracan problem hîna kûr bî. Nêweşî zî bi hawayêke negatîf bandure bî. Nêweşî mecbur mendîke şêrê bajarê bînan. No zî seba nêweşî hem hetê ekonomî ra kulfet bi û hem zî hetê girewtişê xizmetî de problem kûr kerd."

	 

	'OHAL weşî rê xeter o'

	 

	Gonule ard vîr ke dimayê îxracan netîceyê îxmalî ra Cîzîre de pêwa pitike xo Feyruz Pulate cuya xo vinî kerde û wina: "Sebebê ci semedo ke tîya de pispor çin bi. Bi rehetê merdişê dayîke û pitike eşkayne bêro astengkerdiş la nêame astengkerdiş. Weşî de hîn kêmasî benê sebebê problemê girsan. Merdim wexto bi perspektîfêke hîra bi ewno merdim eşkeno wina vajo; OHAL bi xo weşî rê zirar o. No semed ra merco en girîng aştîye yo."