Rixmê AVM yan de merkezê cazîbeyî: Sûka Ocaxa Tendurustîye 

2018-03-25 09:07:23


	 

	Şehrîban Aslan

	 

	AMED - Rezan de mabêne şarî de sûka ocaxa weşî yena zanayîş cadeyê Sakarya de şîyayeyê feqîran rê seba ke xitab kena hîna tercîh yena kerdiş. Hemwelatîyê ke tîya de dayîş û girewtiş kenê vanê “AVM ke abî êdî bawerî û nêzdîbîyayîş nêmendo. La waxto ke ma yenê tîya ma qet xerîbî ya zî zehmetî nêancenê"

	 

	Qezaya Amedî rê girêdaye Sûka Ocaxa Tendurustîye bi nameyê xo bîn cadeyê Sakarya, nêzdîyê 30 serre ya şarî rê xizmet dana. Cilan ra heta werd xeylê berardişê ke sûke de yenê rotiş hemwelatî razî yê. Hemwelatîyê ke bi serran o tîya de dayîş û girewtiş kenê, hemwelatî sûke, AVM ra hîna baş vînenê.

	 

	Sûka ke ewil cayê ke yena zîyaretkerdiş, wexto ke merdim kono sûke şahidê nêzdîbîyayîşê germin ê esnaf û girewtoxan rast yeno. Wexto ke cayê sûke yeno perskerdiş “Tîya bi serran a esta. Belkî tîya qasê Sûka Balikçilarî kan nîya kan, la tîya 25, 30 serre ya vîyarteya esta. Ma eşkenê vacê heme Amedî tîya çîyan gênê. Cilan ra heta werd tîya hemeçî yenê rotiş. Cayê bînan ra hîna erjan o. Semedo ke nêzdîbîyayîş zêde yo."

	 

	‘AVMyî abîyê bawerî meydan ra ameya wedartiş'

	 

	Cinîyan ra yew bi serran o tîya ra girewtiş kena va ke “AVMyî ke abî bawerî orte ra ame wedartiş. La wexto ke ma yenê tîya zehmetî ya zî xeberî nêancenê. Na sûke de en çîyo ke hîç kêm nêbeno huyayîş o û nêzdîbîyayîşê germ o. Vengdayîşê mi merdiman rê o yo ke cayê newînan ra girewtiş bikerê. Bi no hawa esnafê ma zî qezenç bikerê."

	 

	'Cayê boydayîş û daşir çin o'

	 

	Cinîyê esnafî û girewtoxî ardî ziwan ke sûke de tena kêmasî daşir o û wina va: “Ma qezayê dûran ra yenê. Xeylê reyan ma bi domananê xo dir yenê. La sey cayê bînan tîya de cayê boydayîş çin o. Ne ma eşkenê şit bidê domananê xo ne zî ma binê înan bivurnê. En girîng zî ma nêeşkenê şêrê daşir."

	 

	Esnafê sûke tewr peynî da zanayîş ke seba newekerdişê sûke tu xebate nînakerdiş û bi îmkananê xo sûke dûz kenê.