Derhenêner Emîne Gezî Ustundag: Ganî ma şîrtîqer bê 

2018-03-24 09:14:06


	 

	Evrîm Kepenek

	 

	STENBOL - Emîne Gezîcî Ustundaga ke 16in Mîhrîcanê Fîlman ê Cinîyan Fîlmmorê Gezîcî yê Mîyanneteweyî de Xelata Piştdayîşê Cinîya Sînemawan ê Hêvî Dana Morî Kamera girewte, dîyar kerde ke Fîlmmor hêz dayo aye û wina va: "Ganî ma tewr şîrtîqer bê."

	 

	Emîne Gezîcî Ustundaga ke 16in Mîhrîcanê Fîlman ê Cinîyan Fîlmmorê Gezîcî yê Mîyanneteweyî de Xelata Piştdayîşê Cinîya Sînemawan ê Hêvî Dana Morî Kamera girewte, vengdayîşê 'ganî şîrtîqer bê'  cinîyan rê kerde. Emîne dîyar kerde ke semedê fîlmê aye anîmasyon o seba aye hîna avanatj o û wina va: "Bi no hawa ez semedê heme prosesan serdest bîya. Mi hewce zaf bi kesan ard û ekîbêke nêdî. Mi fîlme di serran de qedêna."

	 

	Fîlmmore hêz da mi

	 

	Emîne da zanayîş ke dinya û Tirkîya de derhênerê cinî cidî nînê girewtiş la cinî bi beradişê xo eşkenê ewnîyayîşan berê û wina va: "Mi bi fîlmê xo yê Olçek muracatê xeylê mîhrîcanan kerd. Hemine zî cewabê negatîfî dayî. Xelatgirewtişê Fîlmmorî seba mi xeylê manayîn o. Eyseno ke cinî pîya piştdayîş de yê. Hîskerdişê ci hêz da mi."

	 

	Emîne peynîya qiseykerdişê xo de ard ziwan ke Fîlmmor hetê viraştişê fîlmê newe de zî cesaret daw aye û veng da heme cinîyan ke ganî heme cinî bi cesaret têbigeyrê û va piştdayîşê cinîyan merdimî xurt keno.