Cinîyê Mêrdînî: Ma nêşinê qursê qayûmî 

2018-03-24 09:12:52


	 

	MÊRDÎN - Qayûmo ke tayînê şardarîya Qoserî bi nameyê Warê Cuyayîşî yê Weşîyê Ubeydullah Eren sey ‘Warê Cuyayîşî Weşîye Turgut Ozal’ vurna û nika merkez de qursê Kuran, kuafor, nexş û deştiş yenê dayîş.

	 

	Qayûmê şaredarîya Qoserî Ahmet Odabaşî heta ewro abîdeyê Ugur Kaymaz zî tede xeylê abîde û tabela wedarna ya zî nameyê înan vurna.  Bi îdiaya ke bajar bikerê bajarêke tewr zêde estetîk, abîde wedarnayî û vera ci peykerê her û deva bi ca kerdî. Aşmê vîyarte de akerdişê Merkezê Weşîye Turgut Ozal kerdî. Awanîya ke verê qayûm Merkezê Cuyayîşî Weşîye Ubeydulah Eren bi warê cuya komelî û weşîya cinî û domanan de perwerde dayne.

	 

	Şar nêşino qursan

	 

	Qiseykerdişê ke akerdişê sazgehî de ame kerdiş de wina ame vatiş: "Ma qursê nexş û deştiş, xişir, Kur'an-ı Kerîm, wendiş û nuştiş, kuaforî, kreş û melekan akerd. Ma plane kenê ke nê kursan tewr zêde bikerê. Nika 300 cinî ci ra feyde gênê." La dimayê akerdişî hemwelatîyan şîyayîşê qursan red kerdî.

	 

	Cinî: Perwerde çîyê ke nêdanê ma

	 

	Bi hezaran cinî û domanî Warê Cuyayîşî yê Weşî yê Ubeydullah Eren de perwerde vînayne. Cinîyê taxe dîyar kerdî ke dimayê qayûm ameyo ê qet nêşîyê û vatî perwerdeyê ke yenê dayîş çîyêke nêdanê înan.