İfadeyê gumanbarî hêrişê zayendî 'samîmî' ame vînayîş 

2018-03-22 13:27:22


	 

	AMED - Licê de gumanbaro hêrişê zayendî Mehmet Mansur K. pêwa ke bi mudaxaleyê hemwelatîyê derûdorî ra ame tepiştiş zî rojêke dima ra hetê serdozgerîya Komara Licê ra ame veradayîş. Dozgerîye bi sebebê îfadeyê camêrdî ‘samîmî’ dî serbest vera da.

	 

	Licê yê Amedî de 27ê Sibate de  camêrdo bi nameyê Mehmet Mansur K. waşt cinîya bi nameyê A.B wexto ke şîne keyeyê xo, îstîsmaro zayendî ci rê bikero. Netîceyê pawitişê cewherî yê A.B de Mansur hetê şarî ra bê bandure ame veradayîş.

	 

	Gerre kerd 

	 

	A.B, dimayê ke Mansur tacîzê xo dewam kerd, embazê xo Ş.G ra hetkarî waşt. Bi mudaxaleyê Ş.G ra şar kom bi Mansur bê bandure verdayî. Bi ameyîşê polîsan ra Mansur destê şarî ra ame girewtiş û berdî mudirîye polîsan. A.B çîyê ke ameyî sereyê aye vatî û va o kesî nas nêkena û gerreyê ci kena. 

	 

	Mansur Mudirîyê Licê de sucê xo înkar kerd û pêwa ke îkametê ey Pîran o, îdia kerd ke Licê de nişneno ro. Mehmet Mansur pêwa ke îstismaro zayendî kerd, hemwelatîyê ke ey tepişnayî gerrekar bi. Masuro ke înan ey vet dozgerîye uca de zî îfadeyê xo reyna kerd. Serdozgerîya Komare dimayê îfadeyê Mehmet Mansur girewte, bi sebebê ‘îfadeyê gumanbar samîmî’ û ‘wayîrê îkametî sabît o’  bi şertê kontrolê edlî û qedexeyê tebervejyayîşê teberî ame veradayîş.