Aynure bi omidê xo berardişî kena û kergan miqate kena 

2018-03-22 12:58:20


	 

	Gulîstan Azak

	 

	MELETÎ - Xeylê mehsulî teberê welatî ra yenî îdxalkerdiş. Tutunî ra heta zeytun û vaşan roj bi roje berardiş kêmî beno. Bihezaran domin erdî zî çinbîyayîşî reyde rî bi rî yî. Xeylê citkarî nê probleman ver dew û erdê xo ra koçî kenî û sewbîna karan de xebitîyenî. Nê citkaran ra yewe zî Aynur Duruya 40 serrî ya.

	 

	Tirkîya de citkarî çinbîyayîşî reyde rî bi rî ya. Xeylê mehsulî teberê welatî ra yenî îdxalkerdiş. Tutunî ra heta zeytun û vaşan roj bi roje berardiş kêmî beno. Bihezaran domin erdî zî çinbîyayîşî reyde rî bi rî yî. Xeylê citkarî nê probleman ver dew û erdê xo ra koçî kenî û sewbîna karan de xebitîyenî. Nê citkaran ra yewe zî Aynur Duruya 40 serrî ya. Aynur Duruye qezaya Battalgazîye ya Meletî de berardiş kena.

	 

	‘Tu piştî nêdanî citkaran’

	 

	Aynur Duruye qiseykerdişê xo de wina va: “Her çiqas ke erdê ma dewlemend bibo zî, berardiş kêmî yo. Problemê citkaran zêde yî. Ma bi mişmişan dest bi berardişî kerde. Labelê hetê awedayîşî de tu piştî nêdîyayî citkaran. Awa kanalîzasyonan kewt mîyanê awe. Darê ma huşke bîyî. Ma bi berardişê tutunan heme çîyan ceribnaye. Labelê dewlete xira kerde. Ma waşt ke heywanan miqate bikerî, labelê dewlete destûrê miqatekerdişê heywanan daxî nêdaye ma.”

	 

	‘Astengîyan viraştî’

	 

	Aynure qiseykerdişê xo yê peyênan de wina va: “Dewijî nêeşkenî binê nê probleman ra biwerizî. Dewijî efendîyê şar nê bîyî sey koleyê şarî. Her ke ma alternatîfan awan kenî, îqtîdar probleman ma rê vejeno. Hedefê înan vengkerdişê dewan o. Îqtîdar wazeno dewan bikero sey cayê leşkerî. Labelê ma do destûr nêdî û erdê xo nêteriknî.” Nika 300 kergê mi estî û ez bi miqatekerdişê kergan debara keyeyê xo kena.”