Cinîyê astengdar di rey probleman ciwîyenê 

2018-03-21 11:30:30


	 

	ÎZMÎR - Cinîyê astengdar, semedê hukmê vernîyê komelî û qanûnê bi ca nînê, tewr zêde rastê binpêkerdişê heqan, tacîz û îstîsmarî yenê.

	 

	Cuya cinîyan ke bi zîhniyetê serdest ê camêrdan çin yeno hesibnayîş û heme heqê înan destê înan ra yenê girewtiş, wexto ke astengdarî bibo zî di rey yeno ciwîyayîş. Sereka Komeleya Cuya Bêasteng, Gulgun Yorgancilare dîyar kerde ke yewin rey cinîyê astengdar 8ê Adare de Îzmîr de vejyayê kuçeyan û arde ziwan ke astengdar estê. Gulgune da zanayîş ke cinîyê astegdarî di rey problem û zehmetîyan ancenê û verê problemê weşî de zehmetîyan ancenê û verê verê problemê weşî, perwerde û komelî, rastê îstîsmar û tacîzî yenê.

	 

	'Astengdarê ke xebityenê sey bêrê cezakerdiş’

	 

	Komeleya Astengdaran ê Bucayî Kamuran Parilti zî ard ziwan ke qanûnê merîyetî de goreyê lazimî nêvirazênê û va: "Qanûnê hûmara 5378an ganî bi rastî zî bikoy merîyet. Tu çîyê ke sey eysayîş nîyo. Xeylê embazê ma hewcedar ê. Astengdarê xebityenê, heqê xo yê komelî fêdeyîn nêgînê. Nimûne cîhazê 2-3 hezar lîray, hezarêke ci astengdar danê. Dewlete nêvana ke pere çara anê. Semedo ke astengdarî nêxebityenê zî tu asanî nîno kerdiş. Ma nêwazenê astengdarî cuya komelî ra bêrê vetiş."

	 

	‘Şaredarî tedbîran li gorî astengdaran nagire’

	 

	Komeleyê Nêvîneyan a Çagdaş Sevgî Dalgiçe zî ke wextê emelyatê qelbî de çimêke xo pêroyî vinî kerda û çimê bîn zî tay eşkena bixebetno, dîyar kerde ke plansazîya bajar de astengdar nînê fikêrayîş û va çalê ceyran û telefonî yê ameyê akerdiş zî xetereyêke pîl awan kenê.

	 

	'Goreyê peymanan tênêgeyrenê'

	 

	Yew pawitoxa Wezareta Polîtîkayê Keye û Komelî Mujgan Bîlgen Ozene zî ewnîyayîşê xo ard ziwan û dîyar kerde ke Peymanêke Heqê Astengdaran ke Peymanê Heqê Merdiman ê Dinya Neteweyê Yewbîyaye esas gênê 2007an de ameyo îmzakerdiş la goreyê nê peymanî tênêgeyrenê. Mujgane wina va: "Seba astengdaran heqê perwerde, weşî, asayîş û îstîhdam ame naskerdiş labelê bi ca nînê. Komel vano qey astengdar nêeşkenê bixebityê. Astengdar nêeşkenê xo biresnê warê îstîmlakkerdişî. Nimûne semedo asansore çin a, nêeşkenê şêrê. Astengdarî estê ke ganî hacet ci rê bêrê girewtiş. Wexto ke çin bo zî nêeşkenê cuya komelî de ca bigîrê."