Pêwa muxabire ma xeylê kesî ameyî tepiştiş 

2018-03-20 13:39:15


	 

	MERKEZÊ XEBERAN - Verê Newroze ke siba bira pîrozkerdiş Enqere, Stenbol û Mêrdîn de pêwa muxabire ma Duygu Erol xeylê kesî ameyî tepiştiş.

	 

	Netîceyê operasyonê hemdem ê eştişê keyan ser Enqere, Stenbol û Mêrdînî serê siba xeylê kesî ameyî tepiştiş. Mîyanê kesê ke ameyî tepiştiş de muxabira ma Duygo Erole zî esta. Enqere de serê siba bi sebebê "Parekerdişê serê medyaya komelî û komelî" ra xeylê kes serê siba ameyî tepiştiş. Goreyê zanayîşê ke ameyî girewtiş Îdareyê HDPî ra Sulhattin Deger, Mîne Metin û Lokmano ke peynameyê ci nêame zanayîş. Muxabirê Ajansê Mezopotamyayê (MA) Selami Aslan ame tepiştiş. Ame zanayîş ke polîsan eşt serê keyeyê Îdareyê Enqere yê HDPî Celal Demir tepişnayeyo semedo ke keye de nêbi, nêameyo tepiştiş.

	 

	Stenbol de 16 kesî ameyî tepiştiş

	 

	Verê Newroze Stenbol de 16 kesî ameyî tepiştiş.  Kesê kr ameyî tepiştiş berdî Şubeyê Têkoşînê Bi Terorî yê Mudirîyê Emnîyetê Stenbolî (TEM).

	 

	Kesê ke ameyî tepiştiş 3 înan ra nameyê înan wina yo: Şervan Emektar, Yakup Ozdemir, Cîhan Ozçelikoglu.

	 

	Mêrdîn de eştî serê keyan

	 

	Netîceyê eştişê serê keyanê qeza û merkezê Mêrdînî de xeylê kesî ameyî tepiştiş. Goreyê zanayîşê ke ameyî girewtiş; Netîceyê eştişê dewa Barmanê Stewrî de Encumenê Şaredarîya Stewrî Gulbahar Soygit û Osman Aksoy ameyî tepiştiş. Sebebê tepiştişê Gulbahar Soygit û Osman Aksoy nêame zanayîş û ê berdî Mudurîyê Emnîyetê Qeza. Ame zanayîş ke temamê Mêrdîn de tepiştiş dewam keno.

	 

	Ame dîyarkerdiş ke beno çar bajaran de tepiştişî zêde bê.