NY: Efrîn de xeylê kesan cuya xo vinî kerdî

2018-03-20 13:24:12


	 

	MERKEZÊ XEBERAN - Komîserîya Berz yê Heqê Merdiman ê NYî, dîyar kerd ke netîceyê hêrişê dewleta tirkî û çeteyê aye de xeylê kesî Efrîn de cuya xo vinî kerdî û bi hezaran kesî zî bi koçberî dir rîbirî ameyî verdiş.

	 

	Komîserê Berz yê Heqê Merdiman ê Neteweyê Yewbîyayeyî (NY) Zeyd Raad El Huseyîn, Derheqê sivîlê ke netîceyê hêrişê dewleta tirkî û çeteyê aye de Efrîn de cuya xo vinî kerdî serê înan de îzahat da. Îzahat de ame dîyarkerdiş ke xeylê kesî netîceyê nê hêrişan de cuya xo vinî kerdê û xeylê kesî zî birîndar bîyê. Zeydî dewamê îzahatî de wina va: "Efrîno ke vizîrî hetê hêzê tirkî ra ame dagirkerdiş, netîceyê hêrişê hewa, operasyonê bejahî û teqnayîşan xeylê kesî ameyî kiştiş û ameyî birîndarkerdiş û bi hezaran kes zî bi koçberî dir rîbirî ame verdayîş."

	 

	Îzahat de ame vatiş ke bajarê Efrînî 50 hezarî ra zêde sivîl estê û nê çî va: "Goreyê zanayîşê tîmê ma bajarê ke 50 hezarî ra tewr zêde sivîl tede estê, tena nêweşxaneyêke esto û semedo ke zirar dîyo nîno xebitnayîş. Heto bîn ra bajar de problemê awe şimitişî zî esta."