Cinîyê Botanî: Bi ruhê xoverdayîşê Asya û Ferîdeyan biherêkê warê Newroze 

2018-03-20 13:02:41


	 

	ŞIRNEX/MÊRDÎN - Cinîyê Botanî seba Newroze 21ê Adare de bêro pîrozkerdiş  veg dayî û dîyar kerdî ke bi ruhê xoverdayîşê Asya û Ferîdeyan do warê Newroze pir bikerê.

	 

	Newroze emsar bi sloganê 'Ma ruhê Newroze xoverdayîş girs bikerê, Efrîn de serkewte bê' bi hawayêke hemdem do 26 merkezan bêro pîrozkerdiş. Cinîyan seba Newroza Nisêbîn û Cizîre veng dayî û wina vatî: "Ma mîrasê Asyayan, cinîyê bodrumê Cizîre û waran de ameyî qetilkerdiş, dewr gênê û ma do Newroze bêrê têhet." Cizîre de amadekarîya Newroze dewam kena, endama Komîteya Tertîpa Newroze Bîşeng Mete qisey kerde û dîyar kerde ke Newroze do bibo vejînê newe ê şaran.

	 

	'Ma do bi coşê xo bibê vengê cinîyê xoverdayoxan'

	 

	Bîşenge ard ziwan ke bi vindertişêke bi rûmet vejyê waran û va: "Ma cinî do rol û mîsyonêke girs bigîrê û wayîrê Newroze vejyê. Ma binê tedayan de Newroze pêşwazî kenê. 21ê Adare seba ma destan a, xoverdayîş a. Ma bi adir wazenê zerran roşn bikerê."

	 

	'Ma sey cinîyê Botanî waran pir bikerê'

	 

	Bîşenge dewam de wina va: "Hêvîye ma seba aştîye ya. Pêwa nê zîhnîyetê hegemon û  polîtîkayê teda yê dewlete ma do verê aştî de bê. Ganî ma sey şarê Botanî warê Cizîre pir bikerê. Ma rayîrê cinîyê xoverdayoxan de bê. Ma do xoverdayîşê deshezaran selam kenê."

	 

	'Ma do bi ruhê Asya û Ferîde adirê xoverdayîşî de bêrê têhet'

	 

	Songul Erdene zî dîyar kerde ke do cewabê tewr xurt ê hemverê teda û OHALî do Newroze de bidê û wina va: "Ma cinî bi hêzê ke ma Asya û Ferîdayan girewtê ma do vengê xo xurt vejê. Pêwa astengîyan ma do a roje biherêkê waran."

	 

	'Wa heme şarê Mêrdînî biherêkê Nisêbîn'

	 

	Samîye Demîre zî derheqê Newroza Nisêbîne de qisey kerde û va esnaf û dewan zîyaret kerdê û  wina va: "Muracatê ma yê ewil ame redkerdiş. La ma peyser game nêerzenê. Ma do seba her îtîrazê newe muracatê newe bikerê. Bi di serre Nisêbîn de semedê pêrodayîşan Newroze nêameyne pîrozkerdiş. Ma wazenê emsar bişiknê. Ma veng danê heme şarê Mêrdînî ke biherêkê waran."