Sîcan  Kurkut: Wexto ke şima şinê Newroze Kemalê mi xo vîr ra mekerê 

2018-03-19 15:08:03


	 

	Gulîstan Azak

	 

	MELETÎ - Wendekarê Unîvetsîte Kemal Kurkuto ke semedo ke beşdarê pîrozkerdişê Newroze bibo ame Amed, nukteyê cigêrayîşê ser Kuçeyê Evrîm Altaş de verê çimê rojnamegeran de hetê polîsan ra ame qetilkerdiş û serrêke derbaz bi. Maya Kemal Kurkut, Sîcan Kurkute ke bi serrêke edalet pawena veng da sehezar kesê şinê warê Newroze û va: “Wexto ke şima şinê Newroze xo vîr ra mekerê Kemalê mi zî xo dir berê."

	 

	Newroza 2017an de Kemal Kurkuto ke wendekarê unîversîta bi Meletî ra ame Amed û roja Newroze ame qetilkerdiş. Serê qetilkerdişê ey de serrêke derbaz bi. Kemal Kurkuto ke wendekarê beşê muzîkî yê fakulteya Hunerê Weş yê Unîversîteya Înonu bi, nukteya polîsan de verê çimanê rojnamegeran bi sebebê ‘bombaya gane' ame qetilkerdiş. Walî hewl da bi sebeb serê hedîse bigîro la bi fotografan heme çî vejya meydan. La pêwa nê çîyan polîso bi nameyê Y.Ş yo Kemal qetil kerd bi muebet ame hukmkerdiş, la waştişê derheqê tewqîkerdiş de ame redkerdiş.

	 

	Maya Kemal, Sîcan Kurkut qisey kerde û va semedo ke bi taybet lajê aye Newroze de ameyo qetilkerdiş dejêke cîya ciwîyaya û wina va: "Hêrsê ma hemverê kesê roja Newroze de nê dejî bi ma dayî antiş, zaf pîl o. Roşanê ma gonî de geviznayî"

	 

	'Bi serrêke huqûq çin o, edalet çin o' 

	 

	Sîcane da zanayîş polîsê ke Kemal qetil kerdê tewqîfkerde nînê hukmkerdiş û wina va: “No edaletêke senîn o, no huqûqêke senîn o? Bi serrêke yo ma edalet ra bêpar verdayê. Bi serrêke ez mayêke huqûq ra, edalet ra bêpar ameya verdiş a. Polîso ke Kemal qetil kerd hema mîyanê ma de geyreno. No dejêke pîl dano mi. Ez seba Kemalê xo edalet wazena."

	 

	'Wa domanê ma êdî nêrê  qetilkerdiş'

	 

	Sîcane peynîya qiseykerdişê xo de da zanayîş ke ganî hawirê şer û pêrodayîşan ganî peynî bibo û wa êdî domanê ma nêrê qetilkerdiş.

	 

	'Kemalê mi xo vîr ra mekerê'

	 

	Sîcane veng da sehezaran emsar herikênê waran û va: "21ê Adare roja Newroze de xo vîr ra mekerê. Kemalê mi zî verê xo de berê. Ma do 21ê Adare de serê gorê ey vîrardiş bikerê."