Şahidê 92an ê yê Cizîre: No adirê azadî do nêtefîyo 

2018-03-19 11:44:52


	 

	 

	 

	 

	 

	 ŞIRNEX - Cinîyê serra 1992an de şahidê qirkerdişê Newroze kerdî ardî ziwan ke ewro zî eynî şertan de ganî şar xo ver bido û wina va: "Ma adetê xoverdayîşê Bêrîvane ra yenê. Ma do fek têkoşîn ra vera nêdê. Ma do Newroze de vejyê meydanan."

	 

	Botano ke serra 1992an bi qirkerdiş û tedayan adirê Newroze bi hawayêke tewr xurt wekerdî, emsar zî bi coşêke pîl pêşwazî kenê. Şirnexo ke bi xoverdayîş hemverê kiştişê kerdoxê nêdîyar û qirkerdişan rê xo ver dayo, Newroza 1991 û 1992an de vinîbîyayîşî pîlan dayî. Newroza emsar Cizîre 21ê Adare de do bêro pîrozkerdiş.

	 

	Di serran de 125 kesî ameyî qetilkerdiş

	 

	Nisêbîn, Edene, Pasûr û Cizîre de serra 1991 de pîrozkerdişê Newroze de 31 kes ameyî qetilkerdiş. 1992 de zî pîrozkerdişê Newroze de 94 kes pêwa cinî û domanan ameyî qetilkerdiş.

	 

	'Ma xo ver da û ca ard'

	 

	Yew şahida Newroza 92an ê Cizîre Emîne dîyar kerde ke yewin çîyo ke a roje ra vuryaw roj bi roje girskerdişê xoverdayîşî bîyo û wina va: "O wext ez nêzana ez çend serre bîya. Tena Newroze bi gonî yena vîrê mi. Destûr nêdayî ma Newroze pîroz bikerê. Dimayê ke ma pîroz kerd hêrişê ma kerdî. A roje her kesî kam keye bîne kewtêne ci. Xeylê embazê ma  şehîd kewtî, birîndar bî. Bombayê gazan û guleyan varnayne serê ma de. Nêverdayne ma sereyê xo paca ra vejê. La ma bi xoverdayîş  Newroza xo pîroz kerde."

	 

	Emîne dewam de ard ziwan ke pêwa guleyan înan qedexe nas nêkerdo û wina va: "Hetêke ra îzahat ame dayîş ke, vatî bi azad Newroze pîroz bikerê û hetêke bîn ra zî şar gulebaran kerdî. Xeylê kes bi saetan fek û rî erd de mendî. Înan va belkî ma înan wina bipelçiqnê la adetê xoverdayîşê ma estbi. A roje ra nata tu çîyêk sey verê nêbi."

	 

	'Hêrsê ma bi lehî'

	 

	Emîne peynîye qiseykerdişê xo de ard ziwan ke Newroze seba Kurdan yena manaya xoverdayîş û azadî û wina va a roje senîn xo ver dayê, bi serran o eynî xoverdayîş dayê û va do heta peynî zî dest xoverdayîşê xo vera nêdanê. Emîne va do emsar zî pêwa heme astengî û tedayan do reyna adirê Newroze bifînê ta.

	 

	Cinîya bi nameyê Şewka Aslane mêrdeyê xo  Îhsan Arslan û birayê xwe Bahrî Aslanî 1993 de wextê kiştişê nêdîyar de vinî kerda wina va: "Lokman, Emîn û Yusuf a roje hemine verê çimanê mi de cuya xo vinî kerdî. Heme serê kuçeyê Nisêbîn de merdî. Heme sîvîlî bî. Ma serê kuçeyê Nisêbîn de bî. Vernê de Emîn dima ra Lokman kewt û dima ra Yusuf kewt. Heme serê yewbînan de kewtî. Her kes bi cayêke ra remayî. Verê çimê min de 10-11 kesî cuya xo vinî kerdî. Çi beno wa bibo ma do têkoşînê xo dewam bikerê. Ganî her kes beşdarê Newroze bibê