Cinî do warê îdareyê xoser de biherêkê Parqê Newroze 

2018-03-18 14:30:57


	 

	Şehrîban Aslan

	 

	AMED - Amadekarîyê pîrozbahîyê Newroza Amedî bê mabên dewam kenê. Cinîyê ke warê îdareyê xoser biherêkê Newroze vatî: "Ma do şêrê Newroze û do reyke de azadî biqîrê."

	 

	Newroza ke emsar bi sloganê 'Ma bi ruhê Newroze xoverdayîş berz bikerê' 21ê Adare de xeylê bajaran bê pîrozkerdiş, amadekarî dewam kenê. Hemwelatî amadekarîyê xo dewam kenê û heto bîn ra zî hêrsê hemverê hêrişê vera Efrînî zî anê ziwan. Bi taybet warê îdareyê xoser, Newroze bi kelecanêke pîl yeno pawitiş û Farqînê Amedî zî nê bendewarî de yê. Cinîyê Farqînî dîyar kerdî ke do hemverê hêrişê Efrînî û qirkerdişan do 21ê Adare de warê Newroze de bê.

	 

	'Senîn hêrişê tîya kerdê zî hêrişê Efrînî kenê'

	 

	Cinîya bi nameyê Cevahîr Tanişe ard ziwan ke Newroze roşanê înan o û semedê vengê xo berz bikerê do şêrê warê Newroze. Cevahîre wina va: "Ewro zî serê Efrînî serê Kurdan de zulm yeno kerdiş. Bi seyan ciwanê ma kerdî hepisxaneyan, seba azadîya cuya xo dest dayî. Senîn hêrişê tîya kerdî bi tanq, top û teyareyê hêrişê Efrînî zî kenê. Ma vanê bes o! Emsar Newroze seba ma wayîrê manayêke cîya yo. Ma do hêrsê xo hemverê Efrînî bi mojnê."

	 

	'Ma her ke vanê aştî ê ma ver bi şer berê'

	 

	Songul Arincake da zanayîş ke Newroze semedê  ji bo Kurdan vejîn e û wiha pê de çû: "Ganî cinî, doman, ciwan, kal û pîr, her kes ganî bêrê Newroze. Ganî qirkerdişê Efrînî peynî bibê. Her ke ma vanê aştî, ma ver bi şerî benê. Hemberê Efrînî operasyon yenê kerdiş. Semedo ke Kurdan biqedênê operasyon kenê. Çim dayê herra Kurdan, azadîya Kurdan. Heme dinya zanê çira nê  operasyon yenê kerdiş. Ma do şêrê Newroze û azadîye biqîrê."

	 

	'Ma do Newroze de biqîrê'

	 

	Ayşe Demîre zî Newroza heme şaran pîroz kerde û va: "Ma da Newroza emsar de zî şer ra vajê nê. Ganî heme Kurdî waran de biqîrê."

	 

	Remzîye Katane zî ard ziwan ke se beno wa bibo beşdarê Newroze bibê û wina va: "Na Newroze de bendewarîyê ma o yo ke hêrişê serê Kurdan bi peynî bibê. Ewro Efrîn de şarê şarê ma yeno bombardumankerdiş. Ganî ma na roje heme warê Newroze aştî biqîrê û verê şarê Efrînî de bê."