Şîrketê sîgorta zî mîyanê kaya TOKÎ de yê 

2018-03-17 13:56:35


	 

	MÊRDÎN - Keyeyê Nisêbînijan ke keyeyê înan ameyî rijnayîş û hacetê înan ameyî talankerdiş, ke mecburî TOKÎyan de bêrê bicakerdiş, dîyar kerdî ke şîrketê sîgorta zî seba hacetê înan ameyî talankerdiş, pereyê înan nêdanê. Keyeyan seba heqê înan ameyî xespkerdiş waştişname dayî dadgehe.

	 

	Dimayê qedexeyê tebervejyayîşê kuçeyan ê Nisêbînî ra dima 6 taxê qeza ameyî çinkerdiş. Dimayê pêrodayîşan bi seyan keyeyî ameyî rijnayîş. Şar dorê taxe ke rijnayîş ameyne kerdiş çadirî adayî û ciwîyay. Şarê Nisêbînî bi ti hawa qeza terk nêkerdî û nêwazenê TOKÎyê ke ameyê viraştiş de zî biciwîyê. Yê ke bi her tewir şar mexdur kerdî zî beramberê keye û hacetê ke talan kerdê zî nêdanê. Hemwelatîyê keyeyê înan ameyî rijnayîş pêwa ke mabêne de serrêke derbaz bîyo zî, ne şîrketê sîgorta yê ci yê û ne wezaretê beramberê hacetê înan û keyeyê înan dayê.

	 

	'Ganî tesdîqkerdişê wezaretî estbo'

	 

	Keyeyê ke pêwa serê şîrketê sîgorteyê û girêdayê ci yê zî, pereyê înan nêameyo dayîş û nika seba pereyê xo bigîrê bi hemkarîya avûkatan waştişname dayê dadgehe. Keyeyê ke bi serrêke hewl danê pereyê xo bigîrê, şîrket înan ra vano şêrê Walîtî. Keyeyan va: "Şîrket vano çîyêk destê ma de çin o. Ganî walîtî ya zî wezaret destûr bido. Şêrê walîtî ra bigîrê. Ma zî muracatê dadgehe kerd."

	 

	'Wazenê ma mecburê TOKÎyan bikerê'

	 

	Hemwelatîyêke nêwaşt nameyê xo bido va ke: "Seba ma TOKÎyan rê îmza bierzê, pereyê ma nêdanê ma. Bi serrêke ma şênê û yenê. Ma israr kenê, ê zî vanê 'şêrê walî ra bigîrê.' Ma zî waştişname da. Bi no hawa bi desan TOKÎyan ferz kenê."