Huda Kaya: Êdî vatiş qedîya yo 

2018-03-16 15:56:41


	 

	 

	 

	ENQERE - Parlamentera HDPî ya Stenbolî Huda Kaya Heyetê Pçroyîyê Meclîse de qisey kerde, dîyar kerde ke AKP yo ke bi 16 serrî  îqtîdar o heme erjê komelî vindî kerdê û va; "Êdî vatiş qedîya yo"

	 

	Parlamentera HDPî ya Stenbolî Huda Kaya, Heyetê Pêroyî yê Meclîse de qisey kerde û bale ante serê dejenrekerdişê komelî û va ke AKP bi 16 serrî yo îqtîdar de yo, cinî ameyoxê xo rê bêpar amey verdayîş. Huda va ke komel bi bêbawerî û bêehlaqî rî bi rî ameyo verdayîş û wina va: "Dejenerekerdişê komelî ameyo merhaleya ke êdî merdimî tersneno. Gelo do domanê nê komelî û kesê ke xo sey alimê dînî bi name kenê, biameyne na merhela."

	 

	'Ma êdî cayê ke vatişê qedîyayê de yê'

	 

	Huda dîyar kerde ke asayîşê doman û cinîyan nêmendo û wina va: "Kesêke xo ra vano ez mela wa bê şerm vejêno û vano 'keso ke bi cinîyêke tena qayîl beno rayîr ra vejya yo'.  Rayîravejyayîşêke bi no hawa û bê ehlaqîyêke bi no rengî çin o. Reyna hedîseyêke bîn, xeberêke newe ya ewro: Domanêke 6 serrî maya xo ra vana ke 'Dayê ez eşkena digane bimanî' eşkera beno ke ameya tecawizkerdiş. Na ne yew a ne zî di ya. Bi seyan nimûneyê winasî estê. Ganî ma semedê nê çîyan bikoy tevger. Ma êdî cayê ke vatiş qedîyay de yê."

	 

	'Cinî keyeyê dewlete de bi tecawiz yenê tehdîtkerdiş'

	 

	Huda peynîya qiseykerdişê xo de dîyar kerde ke seba doman û cinî bi tecawiz dir rîbirî nêmanê, mîyanê hewldayîşî de yê û wina va: "Eke cinî tepiştiş de hetê hêzê asayîşî de bi tacîz û tecawiz yenê tehdîtkerdiş ganî ma serê na babete de vinderê."