Şarê Efrînî: Erdogan nêeşkeno îradeyê ma bişikno 

2018-03-15 14:58:10


	 

	Ruhenda Amed

	 

	EFRÎN - Teyareyê şer yê Tirkîya awbendê Meydankî bombarduman kerd û netîceyê ci de şarê Efrînî bê awe mendî. Şarê Efrînî va: "Erdogan wazeno bi vêşanî û têşanî îradeyê ma teslîm bigîro. La ma tîya terk nêkenê. Wa her kes baş bizano."

	 

	Hêrişê Tirkîya û komê girêdayê aye hemverê Efrînî kewtî roja 55ine. Tirkîya û komê girêdayê aye bi hêrişê hewa, abus, top, hawan û çekê giran hêriş kenê û heto bîn ra awe zî birnenê ke wazenê şar sere bitewno. Awbendê Meydankî hewcedarîyê awe ya Efrînî virazyayne amî bombardumankerdiş û şar bê awe mend. Nika lazimîyê awe hetê şaredarîya Efrînî ra yena peydakerdiş.

	 

	Aşmêke verê amî bajar 

	 

	Şar bi tankêran hewl danê ke lazimîyê awe xo peyda bikerê û dîyar kenê ke se beno wa bibo do bajar terk nêkerê. Cinîya bi nameyê Zekîye Hennen zî yew cinîya ver tankêre de vinderta. Zekîye ke dewa Dêrsîwaneya qezaya Şêra de cuyayne, dimayê hêriş zêde bî ameya bajar. Zekîye va aye aşmêke verê ameyê Efrîn û va Tirkîya di hewte verê awe û ceyran birnayê.

	 

	'Amanc çeteyê xo tîya de bi ca bikerê' 

	 

	Zekîye da zanayîş ke Erdogan bi 55 rojî yo teknîkê şerê lêşin xebitneno û va amancê înan o yo ke şar qir bikero û çeteyan tîya de bi ca bikero. Zekîye ard ziwan ke wazenê bi awe û ceyran îradeyê înan teslîm bigîrê û va Erdogan wazeno bi çinbîyayîş terbîye bikero.

	 

	Zekîye peynîye qiseykerdişê xo de da zanayîş ke lazimîya înan bi metodê terbîyekerdişê çin o û wina va: "Ez veng dana kesê ke bêveng mendê. Ma herre xo terk nêkenê. Kesê hemverê nê qirkerdişî bêveng manenê hemkarê qirkerdişî yê. Rewşe her ke şina giran bena. Yê bêveng qasê Erdogan berpirs ê. Qirkerdiş virazyo kes hesabê ci nêdano. Ma do tîya terk nêkerê. Wa her kes baş bizano."