Hetêke ra hêrişê Efrînî kenê hetêke ra zî fabrîkayan roşenê 

2018-03-15 13:08:25


	 

	Melîke Aydin

	 

	ÎZMÎR - Hemsereka Partîya Demokratîke ya Şaran (HDP) ya Îzmîrî Semra Uzunoke diyar kerde ke Tirkîya seba vernîyê krîzê ekonomî, weşî û perwerdeyî bigîra hêrîşê Efrînî kena û wina va: “Sey rotişê fabrîkaya şekirî, heme fabrîkayan zirar danê kerdiş û dima ra fabrîkayan roşenî. Verê heme kesan danê Efrîn û erjê welat çin kerdî.”

	 

	Hemsereka Partîya Demokratîke ya Şaran (HDP) ya Îzmîrî Semra Uzunoke diyar kerd ke Tirkîya seba vernîyê krîzê ekonomî, weşî û perwerdeyî bigîra hêrîşê Efrînî kena. Semra Uzunoke qiseykerdişê xo de dîyar kerde ke hêrişê vera Efrînî yenê mehneya taybetkerdişê Tirkîya û benê sebebê kiştişê merdimîye.

	 

	Semraye qiseykerdişê xo de wina va: “Her çend ke Efrînî ra hêriş nêbî zî, hêrişê Efrînî dîya dest pêkerdiş. Aştîwazê Tirkiye û dinya vera dagirkerî de yî. Krîzê ekonomî bi polîtîkayê şer padanî. Şer û krîzê ekonomî yenê mehneya mergê domanan.”

	 

	‘Operasyon bi mehneyan dîya dest pêkerdiş’

	 

	Semraye qiseykerdişê xo yê peyênan de dîyar kerde ke şarê dinya sey Bosna qetlîaman temaşe kenî û wina va: “No qetlîam vera kurdan de yeno kerdiş û yewîya şarê Tirkîya yena astengkerdiş. Kesê aştîwaşrox, welatperwer, demokrat û şorişgerîvera şerî de yî. Labelê desthilatdarîya yew kesî her ke rayê înan kêmî benî muracatê şer kenî. Îqtîdar zêdekerdişê rayan hedef keno. Operasyon bi mehneyan dîya dest pêkerdiş. Bi qehremanîyê sexte şar xapênenî. Ganî şarê Tirkîya şerî rê vajê nê.”