'Ganî Newroze de ma do vengê xo tewr berz bikerê' 

2018-03-14 14:41:25


	 

	AMED - Hemverfeka HDPî Gulîstan Kiliç Koçyîgîte derheqê xebatê Newroze de ke bi şîarê ‘Newroze xoverdayîş a, wisarê şaranî ya, hemverê faşîzmî ya' ameya destpêkerdiş de qisey kerde û wina va: "Pêwa heme hemû îtîrazê AKP û MHPî qedexeyan û tedayan, şar îradayêke pîl mojna ra û vejya kuçeyan, têkoşîn dayî. Ma do hawirêke wina de Newroze pîroz bikerê. Na Newroze de zî ma do îtîrazê xo bi vengêke berz biqîrê."

	 

	 Startê Newroza 2018an bi şîarê ‘Newroze xoverdayîş a, wisarê şaran a hemverê faşîzmî ya' amî dayîş. Xebatê Newroze bi lez dewam kenê û xeylê kesî xebatan meşnenê ameyî tepiştiş. Hemverfeka HDKî Gulîstan Kiliç Koçyîgîte derheqê xebatan de qisey kerde û va ke tu astengî do game peyser nêdê eştiş.

	 

	'Ma 8ê Adare de zî astengî dî'

	 

	Gulîstane ard ziwan ke serra 2015an ra heta nika manayêke cîya ê Newrozan esto û va ke Tirkîya ameya merhaleyêke merdim nêeşkeno biye bigîro. Gulîstane va: "Hemverê heme teda û caardişê komelî bi hawayêke cidî îtîraz kerde. Ma no îtîraz warê 8ê Adare de dî. Pêwa heme teda, îtîraz û qedexeyê AKP û MHPî şar îradeyêke cidî day û kuçeyan têkoşînê, aştî, demokrasî û azadîye meşnayî. Ma do hawirêke wina de Newroze pîroz bikerê."

	 

	'Ma do têkoşînê aver berê'

	 

	Gulîstane dîyar kerde ke Newroza emsar do îtîrazê tewr berz vejo meydan û hemverê îqtîdaroke wazeno şaran çin bikero, înkar bikerê do vatişê xo biqîrê.

	 

	Gulîstane dewam de nê çî vatî: "Îtîrazê hemverê tacîz, tecawiz, îstîsmar zî do bibo yew warê Newroze de. Ma do hewl bidê ke têkoşînê awankerdişê welatêke têduşt, azad û demokrat gamêke bîn aver berê. Hîn hemverê şarê no welatî tifaqê mintiqa û netewî awan kenê. Ma hemverê nê îqtîdarî şar kuçeyan de warê Newroze awan bikerê. Ma zanêke tifaqê ma tarîx de her wext qezenc bikerê. Ma heme şarê xo dawetê meydanê Newroze kenê."