'Mekteban de hêrişê zayendî zêde bîyê' 

2018-03-13 12:29:52


	 

	Rojda Aydin

	 

	AMED - Dimayê ke mamosteyê Egîtîm Senî ameyî îxrackerdiş, mekteban de hemverê domanan îstîsmaro zayendî xeylê zêde bîyo. Sekretera Şubeyê 1in Egîtîm Senî Mizgîn Yavuze îstîsmaro zayendî yo ke mekteban de hemverê domanan yeno kerdiş, şîrove kerde. Mizgîne ard ziwan ke verê heme nê hêrişan de wazenê serê domanan de komelî bi kerê formê ke.

	 

	Dimayê ke mamosteyê Egîtîm Senî ameyî îxrackerdiş, mekteban de hêrişên zayendî yê hemverê domanan xeylê zêde bîyê. Sekretera Şubeyê 1in ê Egîtîm Senî Mizgîn Yavuza ke rewşa mekteban şîrove kerde û va ke verê heme nê hêrişan de wazenê serê domanan ra şarî bikerê formêke.

	 

	Mizgîne sere de hêrişê zayendî yê ke yenê kerdiş sey polîtîkayê dewlete şîrove kerde û va ke her prosesî de hemverê cinî û domanan de hêriş yenê kerdiş û wina va: "Demê peyîn de wexto ke merdim ewnîyeno, warê perwerdeyî de hêrişê zayendî, tacîz û tecawiz xeylê zêde bîyê. Wexto ke merdim ewnîyeno rojava bajarê Amedî ra vîneno ke timî hemverê domanan îstîsmaro zayendî esto û mekteban de zî domanî bi hedîseyê tacîzî dir rî bi rî manenê. Nê çîyê ke ewro yenê ciwîyayîş, netîceyê polîtîkayê dewlete yê. Dewlete bi qanûnê ke viraznena hêrîşkaran pawena û no zî hêze dano înan. Kesê ke reaksîyon hemverê nê hêrişan yenê bi caardişê xiraban dir rî bi rî manenê û derheqê înan de dewa yenê akerdiş. Winasî kerdoxî yenê pawitiş."

	 

	'Wazenê domanê kêna perwerde ra dûr bifînê'

	 

	Mizgîne dewamê qiseykerdişê xo de va ke îstîsmaro zayendî û hêrîşê zeyendi ke yenê kerdiş, yeno waştiş ke hêrişê ke domanan ser yenê kerdiş komelî bikerê formêke û wina va: "Bi taybetî îqtîdar wazenê ke domanê kêna perwerdeyî ra bêrê dûrvistiş. No zî bi rayîrê îstîsmaro zeyendî, tacîz û tacîzo bi fekî wazenê bikerê. La hemverê nê caardişan reaksîyonê şarî kêm o. Ganî komel tewr zêde vera nê caardişan vengê xo berz bikero. Şar ferqê na rewşe de yo, la seba tedayê dewlete bêveng manenê. Dewlete bi OHALo ke esto tehdîd kena. Bi OHALî wazena ke şar bêveng bikera."

	 

	'Dimayê îxracan hêrişê zayendî zêde bî

	 

	Mizgîne dewamê qiseykerdişê xo de va ke sey mamosteyê endmê Egîtîm Senî, mintiqa de hêrişê ke yenê ciwîyayîş bêveng nêmanenê û wina va: "Ma mamosteyî hemverê hêrişê ke yenê kerdiş bêveng nêmanenê. Semedo ke ma prosesêke ame waştiş ke perwerwerdeyî bêro astengkerdiş û domanî nêşê rê mektebe ra derbaz bî. Vera hêrişan û îhlalkerdişê heqê perwerdeyî ma sey sendîka dest bi grevê vêşanî kerd. Labelê bi hêriş surgûn, îxrac û tepiştişan waştî têkoşînê ma vindarnê. Vera ci ma bi grevê vêşanî vengê xo berz kerd û bi cezayê tewir tewir rî bi rî mendî. La mudir û mamosteyê ke domanan tacîz kenê û tecawizê înan kenê nînê cezakerdiş. Dimayê ke mamosteyê Egîtîm Senî ameyî îxrackerdiş mekteban de hêrişê zayendî xeylê zêde bî."